AQShga mustaqil Ukraina kerak emas – Volodin

© Sputnik / Maksim BlinovPredsedatel Gosudarstvennoy Dumi RF Vacheslav Volodin
Predsedatel Gosudarstvennoy Dumi RF Vacheslav Volodin - Sputnik O‘zbekiston, 1920, 02.06.2022
Obuna bo‘lish
Rossiya Davlat dumasi raisi AQSh Ukrainani o‘zining mustamlakasiga aylantirishni, undan Rossiyani zaiflashtirish maqsadida foydalanishni xohlaydi, deb hisoblaydi.
TOShKENT, 2-iyun — Sputnik. AQSh rahbariyati Ukrainani o‘zining mustamlakasiga aylantirishni, mamlakatdan barcha resurslarni olib ketish va undan Rossiyani zaiflashtirish maqsadida foydalanishni xohlaydi, deb hisoblaydi Rossiya Davlat dumasi spikeri Vacheslav Volodin.
Uning qayd etishicha, AQSh prezidenti Jo Bayden Amerika “demokratik, mustaqil, suveren va gullab-yashnayotgan Ukrainani” ko‘rishni istashini aytgan.

“Davlat to‘ntarishidan keyin amerikalik maslahatchilar va instruktorlar amalda Kiyev rejimini boshqargan paytda Ukrainani demokratik, mustaqil, suveren va gullab-yashnayotgan mamlakatga aylantirish uchun AQShning sakkiz yil vaqti bo‘lgan. Biroq ulkan salohiyatga ega bo‘lgan mamlakatni, Ukrainani rivojlantirish o‘rniga talashdi”, - deya yozdi Rossiya Davlat dumasi raisi o‘zining telegram kanalida.

Volodin Ukrainada bu vaqt mobaynida xush kelmaydigan OAVlarni yopishgani, mustaqil jurnalistlarni o‘ldirishgani, siyosiy partiyalarni taqiqlashgani, ukrain xalqi haqida korrupsiyaga botgan hukumatdagi hech kim qayg‘urmaganini qayd etgan.
“Yo‘q, mustaqil Ukraina Vashingtonga kerak emas. AQSh rahbariyati uni o‘z mustamlakasiga aylantirishni istaydi. Mamlakatdan barcha resurslarni olib chiqish ketish va undan faqat Rossiyani zaiflashtirish maqsadida foydalanish”, - deya ta’kidlagan siyosatchi.
Volodinning so‘zlariga ko‘ra, butun dunyo amerikacha demokratiya Liviya, Afg‘oniston, Iroq, Suriya, Yugoslaviyada nimalarga olib kelganini ko‘rgan.
“Vashington ularni demokratik va gullab-yashnayotgan mamlakatga aylantirishni istagan bu davlatlardan hech biri naf ko‘rmadi. Hammasi aksincha bo‘ldi. Bir paytlar rivojlanayotgan bo‘lgan mamlakatlar xaosga cho‘mib, xarobalarga aylandi, ular fuqarolari gumanitar halokatga duch kelishdi. Masalan, Afg‘onistonda 20-yil davomida Amerika qo‘shinlari bo‘lgan davrda 250 mingdan ziyod tinch aholi halok bo‘ldi, aholi qashshoqlashdi”, - deya qayd etgan Volodin.
Yangiliklar lentasi
0