Jamiyat

Ekologiya qoʻmitasi somon poyasi qoldiqlarini yoqmaslikka chaqirdi

© Sputnik / Sergey Averin / Fotobankka oʻtishUborka pshenitsы na polyax v Donetskoy oblasti
Uborka pshenitsы na polyax v Donetskoy oblasti - Sputnik Oʻzbekiston, 1920, 02.06.2022
Obuna boʻlish
Yandex newsTelegram
Somon poyalari va ularning qoldiqlarini yoqqanlarga BHMning 10 barobarigacha - 3 mln soʻm miqdorda maʼmuriy jarima qoʻllaniladi.
TOSHKENT, 2 iyun — Sputnik. Ekologiya va atrof-muhitni muhofaza qilish davlat qoʻmitasi gʻalla oʻrim yigʻimi mavsumi boshlanishi munosabati Oʻzbekiston aholisi, fermer xoʻjaliklari va tashkilot rahbarlarini dalalarda somon poya qoldiqlarini yoqmaslikka chaqirdi.
Qoʻmita barcha xoʻjalik hududlarida yetishtirilgan boshoqli don mahsulotlari oʻrib, yigʻib olingandan soʻng, dalalarda somon poya qoldiqlarini yigʻishtirib olish va ushbu hududlarda yongʻin sodir boʻlishi kabi noxush holatlarning oldini olish boʻyicha zaruriy choralar koʻrishni soʻradi.
“Somon poyalari va ularning qoldiqlari yoqilgan hududlarda yer unumdorligining keskin pasayishi, tuproq strukturasining buzilishi hamda yongʻin natijasidagi yuqori harorat tufayli makro va mikro elementlarning yoʻq boʻlib ketishi oqibatida ekin yerlarining ball boniteti keskin pasayishiga olib keladi”, deyiladi xabarda.
Qoʻmita somon poyalari va ularning qoldiqlarining yoqilish holatiga yoʻl qoʻygan huquqbuzarlarga va yer egalariga nisbatan MJtKning 88-moddasi 3-qismi bilan BHMning 10 barobarigacha (3 mln soʻm) boʻlgan miqdorda maʼmuriy jarimalar qoʻllanilishi haqida ogohlantirdi.
Yongʻin sodir boʻlgan gʻalla ekin maydonlarning har bir gektariga yetkazilgan zarar boʻyicha amaldagi tartib asosida iqtisodiy choralar belgilanadi.
Maʼlumot uchun, somon poya qoldiqlari yonishi natijasida atmosfera havosiga uglerod oksidi, azot oksidi, azot ikki oksidi, oltingugurt oksidi kabi inson sogʻligi uchun zararli boʻlgan zaharli moddalar ajralib chiqadi.
Yangiliklar lentasi
0