Jamiyat

Qashqadaryoda hujjatida 20 yil oʻgʻil bola ismi bilan yurgan qiz aniqlandi

© Izdaniye "Narodnoye slovo"Shafoatova Mukaddam Ravshan kыzы
Shafoatova Mukaddam Ravshan kыzы - Sputnik Oʻzbekiston, 1920, 02.06.2022
Obuna boʻlish
Yandex newsTelegram
Hujjatlardagi xatolik tufayli qizga “Shafoatov Olim” deb yozilgan guvohnoma berib yuborilgan.
TOSHKENT, 2 iyun — Sputnik. Qashqadaryoda 20 yil oʻgʻil bola ismi bilan yurgan qizga oʻz ismi yozilgan guvohnoma berildi. Bu haqda “Xalq soʻzi” maʼlum qildi.
Qayd etilishicha, Dehqonobod tumanining togʻli Duob va Terakli qishloqlari aholisi uchun tuman fuqarolik holati dalolatnomalarini yozish boʻlimi oʻtkazgan sayyor qabulda 20 yildan buyon “Shafoatov Olim” deya qayd etilgan guvohnoma bilan yashab yurgan qiz murojaat qilgan.
Aniqlanishicha, u tugʻilganida yanglishib, “Shafoatov Olim” deb yozilgan guvohnoma berib yuborilgan. Togʻli qishloqning tuman markazidan 180 kilometr uzoqda joylashgani va markazga borish qiyin boʻlgani sababli bu qizning tugʻilganlik toʻgʻrisidagi guvohnomasi oʻzgartirilmay qolib ketgan.

“Kech boʻlsada bu xato toʻgʻrilandi. Biz sayyor qabuldan soʻng “Shafoatov Olim” guvohnomasi bilan yurgan qizga “Shafoatova Muqaddam Ravshan qizi” deb qayd etilgan guvohnomani topshirdik. Endilikda bu togʻ qishloqlarida yiliga ikki marta sayyor qabul oʻtkazishni moʻljallayapmiz”, - deydi Dehqonobod tumani fuqarolik holati dalolatnomalarini yozish boʻlimi mudirasi Ozoda Ashurova.

Bundan tashqari, sayyor qabulda turmush qurganiga 4 yil boʻlgan, sharʼiy nikoh orqali yashab kelayotgan kelin-kuyovga qonuniy nikohdan oʻtganligi toʻgʻrisidagi, 17 nafar bolaga tugʻilganligi, 8 oilaga esa nikoh tuzilganligi haqidagi guvohnomalar topshirilgan.
Yangiliklar lentasi
0