Iqtisod

Toʻqimachilikdan IT gacha. Oʻzbekiston va Rossiya yosh tadbirkorlari nimalarga kelishib olishdi?

© Sputnik / Zafar XalilovUzbeksko-rossiyskiy biznes forum v Tashkente
Uzbeksko-rossiyskiy biznes forum v Tashkente - Sputnik Oʻzbekiston, 1920, 02.06.2022
Obuna boʻlish
Yandex newsTelegram
Oʻzbekiston va Rossiya yosh tadbirkorlarining hamkorligi qanday rivojlanyapti? Batafsil materialimizda oʻqing.
Alina Niyazbakiyeva, Anna Cherkasova
May oyining oxiri Oʻzbekistonning ishbilarmonik sohasida davlatlararo yana bir yirik voqea bilan esda qoladigan boʻldi. Toshkentda Oʻzbekiston-Rossiya yosh tadbirkorlari ishtirokida biznes-forum boʻlib oʻtdi.
Rossiyalik 40 nafar yosh tadbirkorlar Oʻzbekiston poytaxtiga tashrif buyurishdi va hamkasblari bilan V2V formatida 60 dan ortiq uchrashuvlar olib bordi.
Nega rossiyalik biznes tadbirkorlar orasida Oʻzbekistonga qiziqish katta? Sputnik bu borada iqtisodiyot mutaxassislari bilan suhbatlashdi.

Kelajakka sarmoya

Forumning natijasi IT, tekstil, oziq-ovqat sanoati, turizm, taʼlim va jihozlar yetkazish boʻyicha turli shartnomalar boʻldi. Ufalik tadbirkorlar oʻzbek tekstilini 500 mingdan dollardan ortiq summaga sotib olishga qaror qilishgan boʻlsa, “Russkiye traditsii” kompaniyasi esa Samarqand biokombinati bazasida yaratilgan Biveco brendi veterinar dori- darmonlariga qiziqish bildirdi.
Bundan tashqari, tadbir doirasida ikki mamlakatning yirik yoshlar tashkiloti vakillari oʻrtasida uchrashuvlar boʻlib oʻtdi. Masalan “Yoshlar-kelajagimiz” fondi “Opora Rossii” kichik va oʻrta biznes Umumrossiya ijtimoiy tashkiloti hamda “Xalqaro hamkorli yetakchilari” avtonom notijorat tashkiloti bilan memorandum imzoladi. Bu haqda “Xalqaro hamkorlik yetakchilari” tashkiloti boshqaruv aʼzosi Tatyana Selivyorstova Sputnik ga maʼlum qildi.
Nega Rossiya va Oʻzbekiston yoshlar tadbirkorligi uchun pul tikishmoqda? Bu haqida Sputnik muxbiriga Rossiya strategik tadqiqotlar instituti mutaxassisi, iqtisod fanlari nomzodi Mixail Belyayev soʻzlab berdi.
“Yoshlar bizning kelajagimiz. Ularning eʼtiborini mamlakat oldida turgan muammolarga, biznesga, siyosiy va iqtisodiy hayotga, ijtimoiy masalalarni hal qilishga qaratish lozim”, -deydi u.
Ayni paytda Oʻzbekiston va Rossiya kapitali ishtirokidagi 2,5 ming korxona ikki mamlakat oʻrtasidagi savdo-iqtisodiy hamkorlikning natijasidir. Statistik maʼlumotlarga koʻra, respublikada tashkil etilgan korxonalar boʻyicha Rossiya yetakchilik qiladi. Albatta, bu tendentsiya davom etishi uchun yosh ishbilarmonlar hamkorligini rivojlantirish zarur.
Bundan tashqari, aynan yoshlar kelajak biznesi boʻlgan sohalarga qiziqadi.
“IT kichik va oʻrta kompaniyalar sohasi. Unda asosan yoshlar faoliyat koʻrsatadi. Chunki ular axborot texnologiyalarini oʻrgangan va bunday korxonalarni yaratish uchun moslashgan. Bu ularning kasblariga, qiziqishlariga toʻgʻri keladi. Eng yaxshi natija esa kasb va qiziqishlar mos tushganda boʻladi”, - deb hisoblaydi mutaxassis.

“Rossiya Markaziy Osiyo mamlakatlari bilan oʻzaro hamkorlik qiladi”

Iqtisod fanari nomzodi, savdo-sotiq sohasi boʻyicha ekspert Leonid Xazanov shunday fikr bildirmoqda. Uning aytishicha, Rossiyada Markaziy Osiyo mintaqasi ahosining koʻp qismi ishlaydi.
“Biznes rivoji uchun imkonitlar nihoyatda katta. Chunki Markaziy Osiyoda ishchi kuchi bor, u yerda rossiyalik sarmoyadorlarni iliq qabul qilishadi”, - deydi u.
Uning soʻzlariga koʻra, oʻzaro tadbirkorlik Rossiyaga ham, mintaqaning boshqa mamlakatlariga ham birdek foyda keltiradi- birinchi navbatda respublikada yangi ish oʻrinlarini yaratadi. Aholi esa bunga hozir muhtoj.
Ikkinchidan, Rossiya va MA mamlakatlarini yirik xalqaro loyihalar ham birlashtiradi- masalan Shanxay Hamkorlik Tashkiloti. Soʻz oʻrnida aytish lozim, SHHTning Yoshlar kengashi Oʻzbekiston va Rossiya forumini oʻtkazishga koʻmak berdi.
SHHT Rossiya va Oʻzbekistonning qoʻshma loyihalari uchun biznes sohasida nimani anglatadi? Eng kamida- katta auditoriyani. SHHTga aʼzo mamlakatlar aholisi soni 3,4 millardni tashkil etadi. Bu dunyo aholisining deyarli yarmi degani.
“Bunday loyihalarni rivojlantirish istiqbollari bor. Buni Rossiya hukumati ham, OʻZbekiston hukumati ham yaxshi tushunadi. Va oʻylaymanki, davlat darajasida qoʻllab-quvvatlanadi. Bu yoʻnalishda rivojlanishning boshqa yoʻli yoʻq”, - deydi Mixail Belyayev.

Barchasi yoshlar qoʻlida

Yoshlar tadbirkorligi haqida gap ketar ekan, ushbu sohani kichik biznes shakllantirishni yaxshi tushunish kerak. Avvallari biznes-forumlar eʼtiborini faqat katta korporatsiyalarga qaratar edi.
Leonid Xazanovning soʻzlariga koʻra, kichik biznes iqtisodiyotga shunchaki kerak boʻlib qolmaydi. Baʼzida u yirik biznesning muqobiliga aylanishi mumkin. Chunki, u koʻproq tor doiradagi mahalliy muammolarni hal qilishga qaratilgan.
“Kichik biznes juda zarur va kerak. U yirik biznesning zararli va foydasiz boʻlgani uchun hal qilmagan masalalarga yechim topishi mumkin. Yirik biznes uchun bu boshqaruv kadrlar va moliyaviy resurslarning boʻlinishi boʻlishi mumkin”,- deydi ekspert.
Ushbu fikrni Mixail Belyayev ham tasdiqlaydi. Uning aytishicha, yirik biznes oʻrta va kichik tadbirkorliksiz faoliyat yurita olmaydi.
“Yirik korxonalar mahsulotning asosiy qismini ishlab chiqaradi. Biroq ishning salmoqli qismini ehtiyot va butlovchi qismlarni yetkazib beruvchilarga beradi. Bu aynan kichik va oʻrta biznes degani”,- deydi Belyayev.
Yangiliklar lentasi
0