Jamiyat

Yangi oʻquv yili uchun 1-sinfga qabul qachon boshlanishi maʼlum boʻldi

© Sputnik / Nina Zotina / Fotobankka oʻtishPodgotovka shkolы k novomu uchebnomu godu
Podgotovka shkolы k novomu uchebnomu godu - Sputnik Oʻzbekiston, 1920, 02.06.2022
Obuna boʻlish
Yandex newsTelegram
Toshkent, Qoraqalpogʻiston Respublikasi va viloyatlarning markazidagi umumtaʼlim maktablarida qabul jarayonlari elektron shaklda amalga oshiriladi
TOSHKENT, 2 iyun — Sputnik. Umumtaʼlim maktablarga biriktirilgan mikrohudud boʻyicha qabul jarayonlari 20 iyundan boshlanadi. Bu haqda Xalq taʼlimi vazirligi xabar berdi.
Aytilishicha, mikrohudud boʻyicha qabul jarayonlari 31 iyulga qadar davom etadi.
Umumtaʼlim maktablarining boʻsh oʻrinlariga mikrohududdan tashqari qoʻshimcha qabul jarayonlari esa 1-15 avgust kunlari amalga oshiriladi.
“Ota-onalarga qulaylik yaratish maqsadida Toshkent shahri, Qoraqalpogʻiston Respublikasi va viloyatlarning markazidagi umumtaʼlim maktablarida 1-sinfga qabul jarayonlari elektron shaklda amalga oshiriladi”, - deyiladi xabarda.
Qolgan hududlar Qoraqalpogʻiston Respublikasi va viloyatlarning boshqa tuman (shahar)laridagi umumtaʼlim maktablarida 1-sinfga qabul anʼanaviy shaklda, yaʼni bevosita maktabda amalga oshiriladi.
Maʼlumot uchun, umumtaʼlim maktablarining 1-sinfiga bolalar 7 yoshga toʻladigan yilda qabul qilinadi. Yangi oʻquv yilida 2015 yilning 1 yanvaridan 31 dekabriga qadar tugʻilgan bolalar 1-sinfda oʻqishni boshlashlari mumkin.
Yangiliklar lentasi
0