Jamiyat

Bu yil Hajga boruvchilar uchun qanday yangi talablar qoʻyilgan?

© Sputnik / Mixail Voskresenskiy / Fotobankka oʻtishPalomniki v Mekke
Palomniki v Mekke - Sputnik Oʻzbekiston, 1920, 03.06.2022
Obuna boʻlish
Yandex newsTelegram
Pandemiya tufayli soʻnggi Saudiya Arabistoni xorijiy ziyoratchilar uchun 3 yil davomida Haj safarini amalga oshirishni taʼqiqlab qoʻygan edi.
TOSHKENT, 3 iyun - Sputnik. Saudiya Arabistoni hukumati tomonidan 2022 yil mavsumida Haj safariga boruvchi ziyoratchilarga bir qator talablar qoʻyilgan. bu haqida Din ishlari boʻyicha qoʻmita axborot xizmati rahbari Ilhom Maʼrupov maʼlum qildi.
1.
“Haj-2022” mavsumida ishtirok etish yosh chegarasi 65 yoshgacha etib belgilandi. Ushbu yosh chegarasiga 1957 yil 30 iyun kunigacha tugʻilgan insonlar kiradi. ️Yosh chegarasi bilan bogʻliq mazkur tartib – Oʻzbekiston tomonining emas, balki Saudiya Arabistonining qatʼiy talabi hisoblanadi.
2.
Undan tashqari boʻlajak hojilar Jahon sogʻliqni saqlash tashkiloti tomonidan tasdiqlangan vaktsinalarining toʻliq dozasini qabul qilgan boʻlishlari shart. (Pfizer/BioNTech, Oxford-AstraZeneca, Moderna yoki Johnson & Johnson)
3.
Shuningdek, Barcha ziyoratchilar meningitga qarshi 4 valentli vaktsinani qabul qilgan boʻlishi zarur;
4.
Saudiya Arabistoniga kirishdan 72 soat oldin koronavirus diagnostikasi haqida salbiy natijali PZR maʼlumotnomani taqdim etishlari lozim.
Maʼlumot uchun, pandemiya tufayli soʻnggi Saudiya Arabistoni xorijiy ziyoratchilar uchun 3 yil davomida Haj safarini amalga oshirishni taʼqiqlab qoʻygan edi. Bu yil pandemiyadan soʻng birinchi Haj boʻlib oʻtadi.
Saudiya Arabistoni tomoni bilan olib borilgan muzokaralardan soʻng joriy yil Oʻzbekiston fuqarolari uchun umumiy haj kvotasi 10 865 nafar etib belgilandi. Maʼlumot uchun, 2019 yilda bu koʻrsatkich 7 200 nafarni tashkil etgan edi.
Bu yilgi Haj safari xarajatlari narxi 35-40%ga oshirilgan va 62 million 900 ming soʻm soʻm etib belgilandi. Xabarda aytilishiga koʻra, bunga Saudiya Arabistoni hukumati tomonidan joriy etilgan toʻlovlar, transport xarajatlari narxi oshishi sabab boʻlgan.
Undan tashqari, qoʻmita vakilining xabariga koʻra, soʻnggi yillarda oʻzbekistonlik ziyoratchilar uchun yaratilgan sharoitlar tubdan yaxshilangan.
Xususan, Madina shahrida “Masjidi Nabaviy”dan 100 metr uzoqlikda joylashgan 5 yulduzli “Zam-zam Pullman” va “Kraun Plaza” mehmonxonalarida, Makka shahrida esa “Abroj al-Hidoya” mehmonxonasida istiqomat qiladilar.
Ziyoratchilarga Mino-Muzdalifa-Arafot manzillarida ham uch mahal issiq ovqat tortiq etiladi. Ularni har har safargidek, shifokorlar va guruh rahbarlari kuzatib borishadi.
Yangiliklar lentasi
0