Jamiyat

Oʻzbekistonda maymun chechagi kasalligi qayd etilmadi - Otabekov

© AP PhotoVыsыpaniya na koje pri obezyanyey ospe.
Vыsыpaniya na koje pri obezyanyey ospe. - Sputnik Oʻzbekiston, 1920, 03.06.2022
Obuna boʻlish
Yandex newsTelegram
Respublika chegara-bojxona postlarida sanitariya-karantin punktlarining ish faoliyati kuchaytirildi.
TOSHKENT, 3 iyun — Sputnik. Oʻzbekistonda maymun chechagi kasalligi qayd etilgani yoʻq. Bu haqda AOKAda maymun chechagi kasalligiga qarshi koʻrilayotgan epidemiologik chora-tadbirlarga bagʻishlangan matbuot anjumanida mʼlum qilindi.
Kasallikning respublika hududiga kirib kelishi va tarqalishining oldini olish maqsadida “Maymun chechagi uslubiy qoʻllanmasi” loyihasi tayyorlandi.
“Hozirgi kunda xalqaro terrorizm ildiz otayotgan bir davrda ayrim davlatlar yoki boʻlmasa terroristik guruhlar tomonidan chin chechak va maymun chechagi viruslari kulturalarining biologik qurol sifatida ham ishlatishi ehtimoldan xoli emas”, deyildi xabarda.
Sanitariya epidemiologik osoyishtalik va jamoat salomatligi xizmati boshligʻi oʻrinbosari Nurmat Otabekovning qayd etishicha, Oʻzbekistonda Maymun chechagini oldini olishda bir qator ishlar amalga oshirilmoqda.
Davlat chegaralarini kesishish joylarida 54 ta sanitariya-karantin punktlari faoliyat koʻrsatib kelmoqda. Ularning 36 tasi avtomagistral yoʻllarida, 11 tasi Xalqaro aeroportlarda, 6 tasi temir yoʻl va 1 tasi daryo portida tashkil etilgan.
Respublika chegara-bojxona postlarida sanitariya-karantin punktlarining ish faoliyati kuchaytirildi.
Postlarda sanitariya-karantin punktlari xodimlari va boshqa chegara-bojxona postlari xodimlari hushyorligi oshirib borilmoqda.
Aytilishicha, kasallik 99 foiz holatda yengil kechadi. Unga chalinganlarning barchasini statsionar sharoitda davolashga ehtiyoj yoʻq.
Maymun chechagi virusining tabiiy rezervuarlari va manbalari kemiruvchilar hamda maymunlar hisoblanadi. Maymun chechagi odamga asosan muloqot yoki transmissiv yoʻllar bilan (qon, tishlanish, chechak toshmasi suyuqligi, chechak pufagi orqali) yuqishi mumkin.
Chin chechakka qarshi odamlarni emlash ularni maymun chechagi kasalligidan ham asraydi. Maymun chechagi kasalligining klinik kechishi xuddi chin chechakdagidek namoyon boʻladi.
Kasallikning klinik belgilari:
Et uvishish;
Qaltirash;
Tana haroratining koʻtarilishi;
Limfa bezlarining kattalashishi;
Toshmalar.
Maymun chechagi kasalligida maxsus davolash usullari ishlab chiqilmagan. Davolash simptomatik olib boriladi.
Maʼlumot uchun, bugungi kunda dunyoning bir qator davlatlari, jumladan, AQSH, Kanada, Avstraliya, Ispaniya, Portugaliya, Buyuk Britaniya va boshqa davlatlarda maymun chechagi kasalligiga chalinish holatlari davom etmoqda. 31 may kuni dunyoning 30 danortiq davlatida jami 550 nafarfuqaroda maymun chechagi kasalligi roʻyxatga olingan.
Yangiliklar lentasi
0