Dunyoda

Turkiya Ukraina bugʻdoyini jahon bozoriga yetkazib berish yoʻllarini izlamoqda

© Sputnik / Vitaliy TimkivZerno pshenitsы, arxivnoye foto
Zerno pshenitsы, arxivnoye foto - Sputnik Oʻzbekiston, 1920, 03.06.2022
Obuna boʻlish
Yandex newsTelegram
Rossiya, Turkiya, Ukraina va BMT Ukraina portlarida qolgan donni xavfsiz olib chiqish boʻyicha reja tuzdi.
TOSHKENT, 2 iyun - Sputnik. Rossiya, Turkiya, Ukraina va BMT Ukraina portlaridan don mahsulotlarni olib chiqish uchun xavfsiz yoʻlak ochish rejasini tuzmoqda. Bu haqda RIA Novosti “Anadolu” agentligiga asosan xabar berdi.
Qayd etilishicha, Turkiya Ukrainadan gʻallaning jahon bozorlariga xavfsiz yetkazib berilishini taʼminlash mexanizmini shakllantirish maqsadida, maʼlum vaqtdan beri diplomatik saʼy-harakatlarni amalga oshirmoqda.
Xususan, Turkiya Rossiya Federatsiyasi, Ukraina va BMT vakillari ishtirokida olib borilgan muzokaralar natijasida “don yoʻlagi”ning funktsionalligini taʼminlash boʻyicha yoʻl xaritasi tayyorlangan.
OAV xabariga koʻra, yaqin kunlarda Istanbulda Rossiya Federatsiyasi, Turkiya, Ukraina va BMTning yigʻilishi boʻlib oʻtadi, unda Ukraina portlaridan gʻallani eksport qilish masalasi muhokama qilinadi.
Toʻrt tomonlama formatda oʻtkazilayotgan uchrashuvda, kemalar harakati yoʻnalishi, sugʻurta, kema xavfsizlik, portlarni minalardan tozalash, shuningdek, muvofiqlashtirish markazi tarkibi kabi masalalarni koʻrib chiqish rejalashtirilgan.
Nashrga koʻra, Istanbulda muvofiqlashtirish markazining ishga tushirilishi Ukraina portlaridan jahon bozorlariga 20 million tonna donni eksport qilish imkonini beradi.
Eslatib oʻtamiz, oʻtgan hafta G7 davlatlari Rossiya Ukrainaning qishloq xoʻjaligi eksportiga toʻsqinlik qilayotganini va jahon oziq-ovqat bozorlarida narxlar oshib borayotganida ayblagan edilar. Moskva bu ayblovlarni rad etdi.

Rossiya tashqi ishlar vaziri Sergey Lavrovga koʻra, Ukraina rasmiylarining oʻzlari portlardan chiqish yoʻllarini minalashtirgan va kemalarni chiqib ketishga qoʻyib yubormayapti. Lavrovning taʼkidlashicha, Rossiya bir necha bor tinlik koridorlari orqali kerakli tovarlar yuklangan kemalarni olib chiqishni taklif qilgan. Biroq Kiyevdagilar hamkorlik qilishni istamaydi, ularning “gʻarbiy xoʻjayinlari” esa bunga hech qanday munosabat bildirmayapti.
Odessa dengiz porti sobiq xodimining “RIA Novosti”ga aytishicha, Ukraina, mamlakatda gʻalla taqchilligi tahdidiga qaramay, Yevropa Ittifoqi bosimi ostida oʻz bugʻdoy zaxiralarini eksport qilmoqda.
Yangiliklar lentasi
0