https://sputniknews-uz.com/20220605/mariupollik-bolalar-fazogir-bilan-uchrashishdi-va-qizil-maydonda-bolishdi-25042016.html

Mariupollik bolalar fazogir bilan uchrashishdi va Qizil maydonda boʻlishdi

Mariupollik bolalar fazogir bilan uchrashishdi va Qizil maydonda boʻlishdi

Donbassdan Moskvaga kelgan bolalar Xalqaro bolalarni himoya qilish kuniga bagʻishlangan tadbirda qatnashishdi. 05.06.2022, Sputnik Oʻzbekiston

2022-06-05T21:44+0500

2022-06-05T21:44+0500

2022-06-06T09:19+0500

rossiya

donbass

mariupol

https://cdnn1.img.sputniknews-uz.com/img/07e6/06/05/25035224_0:160:3072:1888_1920x0_80_0_0_613d195bcd4f6fdf40ada9573adaf0d6.jpg

TOSHKENT, 5 iyun — Sputnik. Sergey Leskov. Rossiya xalqlar uyi Mariupoldan boʻlgan bolalar hamda Moskvada yashayotgan turli millatga mansub ularning tengdoshlari uchun maxsus madaniy dasturni tashkil qildi.Xalq xoʻjaligi yutuqlari koʻrgazmasi majmuasi (VDNX) bolajonlar borgan birinchi joy boʻldi. U yerda ular Xalqlar doʻstligi favvorasi oldida klip suratga olishdi. Suriyalik tengdoshlari uchun turli tillarda: moldovancha, armancha, qozoqcha, ukraincha, ruscha soʻzlab, video murojaat yozishdi. Keyin esa “Kosmonavtika va aviatsiya" paviloniga ekskursiya uyushtirishdi.SSSR Qahramoni, Rossiya Qahramoni, mashhur uchuvchi fazogir Sergey Krikalyov bolalarga Yerdan uzoqda, samoda boʻlish qanday ekanini soʻzlab berdi. Muzey boʻylab ekskursiya va bolalar bilan muloqotdan soʻng u ularga “koʻp orzu qilishni, hech qachon taslim boʻlmaslikni va hayotda faqat olgʻa borishlarini” tiladi.Orzular ushaladi12 yoshli Vika Konstantinova aktsiyada qatnashayotgan sakkiz mariupollik bolalardan biri. U Rossiya poytaxti qoldirgan taassurotni soʻzlab berishga til ojizligini aytadi.“Men anchadan buyon Qizil maydonga borishni orzu qilardim. Uni faqat televizor orqali koʻrganman. Men u bu qadar chiroyligi va bu yerda muncha koʻp odam boʻlishini kutmagandim”, - dedi u Sputnik bilan suhbatda.Vikaga Moskvaga ekskursiya davomida uning onasi hamrohlik qilgan. Ular Mariupoldan Rossiyaga imkoniyat paydo boʻlishi bilanoq bir necha hafta oldin kelishgan. Podmoskovyedagi sanatoriyda yashashadi.“Biz juda xursandmiz. Biz Mariupoldan urushdan, vayronagarchilikdan ketdik. Rossiyada bizni juda yaxshi kutib olishdi. Hech narsaga muhtojligimiz yoʻq. Juda minnatdormiz”, - deydi Anna Konstantinova.Eng yaxshi sovgʻa – bu kitobMadaniy dasturning eng qiziq joyi Qizil maydondagi kitob festivali boʻldi. U yerda taniqlik rossiyalik yozuvchi Oleg Roy bolalar bilan dildan suhbatlashdi. U yosh tomoshabinlarga uning asarlari asosida suratga olingan multfilmni koʻrsatdi. Oleg Roy bugun Donbassda oʻz burchini ado etayotgan rossiyalik harbiylarga minnatdorchilik bildirdi: “Askarlarimizga tashakkur, ularga ishonamiz va ularning gʻalaba bilan qaytishlarini kutyapmiz!”Rossiya Davlat dumasi deputati Biysultan Xamzayev ham bolalar va ularning ota-onalariga murojaat qilib nutq soʻzladi.“Bu uchrashuv Moskvadagi Qizil maydonda boʻlib oʻtayotgani razmiy maʼnoga ega. Mamlakatning qoq markazida. Rossiya yordamga muhtojlarni hamisha himoya qilib kelgan va yordam bergan”, - dedi deputat.Tadbir yakunida esa yozuvchi Oleg Roy bolalarni yana bir bor bayram bilan qutlab, ularga kitob sovgʻa qildi.

https://sputniknews-uz.com/20220601/aqshning-moskvadagi-elchixonasi-devorida-donbassda-halok-bolgan-bolalar-videosi-korsatildi-24934813.html

rossiya

donbass

mariupol

2022

Yangiliklar

uz_UZ

donbass, mariupol