Dunyoda

Britaniya parlamenti Boris Jonsonga ishonchsizlik votumini bildirish yuzasidan ovoz beradi

© Sputnik / Pavel BednyakovPremyer-ministr Velikobritanii Boris Djonson
Premyer-ministr Velikobritanii Boris Djonson - Sputnik Oʻzbekiston, 1920, 06.06.2022
Obuna boʻlish
Yandex newsTelegram
Britaniya Konservativlar partiyasi amaldagi bosh vazirga ishonchsizlik votumini bildirish uchun ovoz beradi.
TOSHKENT, 6 iyun — Sputnik. Buyuk Britaniya parlamenti aʼzolari 6 iyun kuni kechqurun bosh vazir Boris Jonsonga ishonchsizlik votumini bildirish boʻyicha ovoz beradi, deya xabar berdi RIA Novosti.
Ovoz berish jarayoni mahalliy vaqt bilan 18:00 dan 20:00 gacha davom etadi.
Jarayon Konservativ partiyadan deputatlarning kamida 15 foizi (54 kishi) parlament qoʻmitasiga bosh vazirning isteʼfosini talab qilib maktub yuborganidan soʻng boshlangan.
Britaniyalik deputatlarning noroziligiga sabab pandemiya davrida Londonda Dauning-stritdagi bosh vazir qarorgohining bogʻida oʻtkazilgan ziyofatda qatnashgani boʻldi. Boris Jonson uzr soʻradi, lekin oʻz lavozimini tark etishdan bosh tortdi. Britaniyaliklarning yarmidan koʻpi uning isteʼfosini yoqlagan.
Maʼlumot uchun, konservativ partiyadan boʻlgan Jamoatlar palatasi aʼzolari oʻrtasida ishonchsizlik votumi oʻtkaziladi. Partiya rahbari lavozimini saqlab qolish uchun Britaniya bosh vaziri kamida 180 ovoz olishi kerak. 67 nafar konservator allaqachon Jonsonning isteʼfosini yoqlab chiqishgan.
2021 yil dekabr oyida Britaniya hukumatida bosh vazir idorasining aʼzolari Dauning-stritda uyushtirilgan ziyofatni izohlash toʻgʻrisidagi hazili aks etgan video tufayli mojaro chiqdi. Boris Jonson video uchun uzr soʻradi va ichki tekshiruv oʻtkazishni buyurdi. Videoga tushgan Jonson ofisining xodimi Allegra Stratton esa isteʼfoga chiqdi.
Britaniya jamoatchiligi, muxolifat partiyalar ushbu qoidabuzarlik ortidan kantsler va Bosh vazirni oʻz lavozimini tark etishga chaqirdi, biroq ular buni rad etdi.
Yangiliklar lentasi
0