Jamiyat

Geologiya sohasida MDU bilan qoʻshma oʻquv dasturi tashkil etildi

© Sputnik / Vladimir Fedorenko Tseremoniya vrucheniya diplomov
 Tseremoniya vrucheniya diplomov  - Sputnik Oʻzbekiston, 1920, 06.06.2022
Obuna boʻlish
Yandex newsTelegram
Qoʻshma dastur ishtirokchilari Geologiya fanlari universiteti hamda Moskva davlat universiteti diplomiga ega boʻladilar.
TOSHKENT, 6 iyun — Sputnik. Geologiya fanlari universiteti va Moskva davlat universiteti hamkorligida “Geologiya (geofizika)” taʼlim dasturi boʻyicha bakalavrlar tayyorlash dasturi yoʻlga qoʻyildi. Bu haqda Universitet axborot xizmati xabar berdi.
“Dasturga koʻra, Geologiya fanlari universitetida ikki yil oʻkigan va qolgan ikki yil oʻqishini Moskvada davom ettirgan bitiruvchilarga ikki universitet diplomi beriladi”, deyiladi xabarda.
1 va 2 bosqichni “yaxshi” va “aʼlo” baholarga bitirgan talabalarning Moskvadagi taʼlim xarajatlari Oʻzbekiston Davlat geologiya va mineral resurslar qoʻmitasi tomonidan toʻlab beriladi.
Kirish imtihonlari ikki bosqichda oʻtkaziladi. Tanlovning birinchi bosqichida abituriyentlar Moskva davlat universitetida matematika (yozma) va rus tili (suhbat) boʻyicha kirish testlarini topshiradilar. Kirish imtihonlarida maksimal ballning kamida 30 foizini toʻplagan abituriyentlar ikkinchi bosqichga oʻtadi.
Ikkinchi bosqichda abituriyentlar Oʻzbekiston Davlat test markazi tomonidan rus tilida (V1 darajasida) tashkil etiladigan test sinovlarini topshiradilar. Maksimal ballning kamida 30 foizini toʻplagan abituriyentlar qoʻshma taʼlim dasturi boʻyicha tanlovda ishtirok etadi.
Qoʻshma dasturda ishtirok etmoqchi boʻlgan abituriyentlardan tegishli hujjatlar onlayn tarzda, 20 iyunga qadar qabul qilinadi.
Maʼlumot uchun, qoʻshma dastur boʻyicha Toshkentda oʻqish narxi yiliga 16 028 900 soʻmni tashkil etadi. 2021/22 oʻquv yilida Moskva davlat universitetining Geologiya fakultetida oʻqish narxi 455 990 rublga teng boʻlgan.
Yangiliklar lentasi
0