Jamiyat

Hafta oʻrtasiga kelib havo +42 darajagacha isiydi

Tashkent - Sputnik Oʻzbekiston, 1920, 06.06.2022
Obuna boʻlish
Yandex newsTelegram
9 iyun kuni meʼyordan yuqori havo harorati kuzatiladi.
TOSHKENT, 6 iyun — Sputnik. Oʻzbekiston hududida kundan-kunga issiq kuchayib, harorat 42° gacha koʻtariladi. Bu haqda "Oʻzgidromet" xabar berdi.
Bugun Oʻzbekiston boʻylab havo ochiq va issiq boʻladi. Faqat kunning ikkinchi yarmida ayrim togʻli hududlarda qisqa muddatli yomgʻir yogʻib, momaqaldiroq boʻlishi mumkin. Havo harorati kunduzi 35-38° boʻladi.
Ertadan boshlab janubdan Turkmaniston orqali juda issiq havo oqimlari chiqishi boshlanadi. Oʻzbekiston hududida payshanba kuni 38-39° atrofida, shimoliy, janubiy va choʻl hududlarida 40-42° gacha boʻladi. Bu ushbu davr uchun meʼyordan 5-6° yuqoridir.
Juma kuni Oʻzbekiston hududiga Kaspiy dengizi hududlaridan kuchsiz havo oqimlarini kirib kelishi kutilmoqda.
Hududning katta qismida yogʻingarchiliksiz ob-havo boʻlishi, faqat togʻ oldi va togʻli hududlarining ayrim joylarida vaqti-vaqti bilan yomgʻir yogʻishi, momaqaldiroq boʻlishi mumkin. Bu kuni havo harorati 32-37° boʻladi.
7-9 iyun kunlari shimoliy va choʻl hududlarida shamol 17-22 m/s gacha kuchayishi, 10 iyunda respublika boʻylab baʼzi joylarda chang-toʻzonlari kuzatilishi mumkin.
Yangiliklar lentasi
0