Siyosat

Mirziyoyev Qozogʻiston prezidentini referendum muvaffaqiyatli oʻtkazilgani bilan qutladi

© Ofitsialnыy sayt prezidenta KazaxstanaTokayev obsudil s Mirziyoyevыm torgovыe svyazi v svete obostreniya geopoliticheskoy situatsii
Tokayev obsudil s Mirziyoyevыm torgovыe svyazi v svete obostreniya geopoliticheskoy situatsii - Sputnik Oʻzbekiston, 1920, 06.06.2022
Obuna boʻlish
Yandex newsTelegram
Shavkat Mirziyoyev Qozogʻiston prezidenti Qasim-Jomart Toqayev bilan telefon orqali muloqot qildi.
TOSHKENT, 6 iyun — Sputnik. Oʻzbekiston prezidenti Shavkat Mirziyoyevning Qozogʻiston prezidenti Qasim-Jomart Toqayev bilan telefon orqali muloqoti boʻlib oʻtdi. Bu haqda davlat rahbari matbuot xizmati xabar bermoqda.
Mirziyoyev Qozogʻiston prezidentini mamlakat Konstitutsiyasiga oʻzgartirish va qoʻshimchalar kiritish boʻyicha umummilliy referendum muvaffaqiyatli oʻtkazilgani bilan samimiy qutlagan.
Oʻzbekiston va Qozogʻiston oʻrtasidagi strategik sheriklik va ittifoqchilik munosabatlarini yanada mustahkamlashning dolzarb masalalari koʻrib chiqildi, mintaqaviy kun tartibi yuzasidan fikr almashildi.
Oliy darajada erishilgan, eng avvalo, ikki tomonlama savdo-iqtisodiy, investitsiyaviy, transport-kommunikatsiyaviy, fan-taʼlim va madaniy-gumanitar hamkorlik loyihalarini ilgari surish boʻyicha kelishuvlarni amalga oshirishga alohida eʼtibor qaratildi.
Bundan tashqari, mintaqaviy hamkorlik, xalqaro tashkilotlar doirasidagi yaqin va samarali muloqotni davom ettirish istiqbollari muhokama qilindi.
Eslatib oʻtamiz, 5 iyun kuni Qozogʻistonda Konstitutsiyaga oʻzgartirish kiritishga oid referendum boʻlib oʻtdi. Saylovchilarning 77,18 foizi oʻzgartirish kiritishni yoqlab ovoz bergan. Shu tariqa, respublika Konstitutsiyaning 33 ta moddasiga 50 tadan ziyod oʻzgartirish kiritilishi kutilmoqda. Jumladan, ular Qozogʻistonni superprezidentlik respublikasidan kuchli parlamentga ega prezidentlik respublikasiga oʻtkazishni nazarda tutadi.
Yangiliklar lentasi
0