Jamiyat

Qoʻqonlik talabalar Rossiyada amaliyot oʻtamoqda

© Muxiddin AliV Tashkent privezli Kubok chempionata mira po futbolu FIFA
V Tashkent privezli Kubok chempionata mira po futbolu FIFA - Sputnik Oʻzbekiston, 1920, 06.06.2022
Obuna boʻlish
Yandex newsTelegram
Talabalar 15 iyunga qadar byudjet tizimi, sugʻurta, investitsiya, psixologiya va boshqa fanlar boʻyicha yangi bilim hamda koʻnikmalarga ega boʻlishadi.
TOSHKENT, 6 iyun — Sputnik. Qoʻqon davlat pedagogika institutining bir guruh talabalari Gavhar Rajapova boshchiligida Rossiyaning Qozon Federal unuversiteti Yelabuga filialida amaliyot oʻtamoqda. Bu haqda institut matbuot xizmati xabar berdi.
Qoʻqonlik talabalarni Yelabuga instituti direktori Elena Merzon qabul qildi. Uchrashuvda Elena Merzon ikki oliy oʻquv yurti oʻrtasida oʻzaro manfaatli hamkorlik loyihalari amalga oshirilayotganini taʼkidladi.
Direktorning oʻquv ishlari boʻyicha oʻrinbosari Irina Mixaylova talabalarga Yelabuga instituti tarixi, kadrlar tayyorlash yoʻnalishlari, shuningdek, amalga oshirilayotgan taʼlim dasturlari bilan batafsil tanishtirdi.
Talabalar 15 iyunga qadar byudjet tizimi, sugʻurta, investitsiya, psixologiya, raqamli taʼlim, dizayn va taʼlim jarayonlarini amalga oshirish, taʼlim tashkiloti faoliyatining meʼyoriy-huquqiy asoslari hamda boshqa fanlar boʻyicha yangi bilim va koʻnikmalarga ega boʻlishadi.
Shuningdek, ular tashrif yakuniga qadar institutning moddiy-texnik bazasi, Tataristonning madaniy poytaxti tarixi va buguni, Marina Tsvetayeva uy-muzeyi bilan yaqindan tanishadi. Har yili oʻtkazilishi anʼanaga aylangan “Sabantuy” bayramida ishtirok etishlari ham koʻzda tutilgan.
Eslatib oʻtamiz, Oʻzbekiston Innovatsion rivojlanish vazirligi tomonidan Oʻzbekiston oliy oʻquv yurtlarining ilmiy ishlar va innovatsiyalar boʻyicha 25 nafar prorektori Qozon Federal universiteti qoshidagi malaka oshirish kurslariga yuborilgan edi.
Yangiliklar lentasi
0