Dunyoda

Sanktsiyalar Ukraina inqirozini hal qila olmaydi – Xitoy TIV

Chjao Litszyan - Sputnik Oʻzbekiston, 1920, 06.06.2022
Obuna boʻlish
Yandex newsTelegram
Chjao Litszyanning soʻzlariga koʻra, sanktsiyalar bosimining yanada kuchayishi bilan Yevropa mamlakatlari aholisi inflyatsiya hamda ishsizlik kabi yangi muammolarga duch keladi.
TOSHKENT, 6 iyun — Sputnik. Rossiyaga qarshi kiritilayotgan yangidan-yangi sanktsiyalar Ukrainadagi vaziyatni yumshatmayapti, aksincha Yevropa va butun dunyo buning uchun katta tovon toʻlamoqda. Bu haqda Xitoy Tashqi ishlar vazirligi matbuot kotibi Chjao Litszyan dushanba kuni boʻlib oʻtgan brifingda taʼkidladi, deya xabar berdi RIA Novosti.
“Faktlar sanktsiyalar Ukraina inqirozini hal qilishning toʻgʻri yoʻli emasligini isbotlayapti. Ayrim davlatlar tomonidan Rossiyaga qarshi joriy etilgan keng koʻlamli sanktsiyalar Ukrainadagi vaziyatni zarracha yumshatgani yoʻq, aksincha, buning uchun Yevropa va dunyo tovon toʻlamoqda”, - dedi diplomat Yevropa Ittifoqining Rossiyaga qarshi kiritgan sanktsiyalarining oltinchi paketini sharhlar ekan.
Uning soʻzlariga koʻra, sanktsiyalar bosimining yanada kuchayishi bilan Yevropa mamlakatlari aholisi inflyatsiya hamda ishsizlik kabi yangi muammolarga duch keladi, dunyo esa energetika va oziq-ovqat inqirozini boshdan kechiradi.
Avvalroq, Rossiyaning Xarbindagi bosh konsuli Vladimir Oshepkov Rossiya va Xitoy kompaniyalari birga Gʻarb sanktsiyalari tufayli yuzaga kelgan xarajatlarni qoplash choralini izlayotganini aytgan edi.

Eslatib oʻtamiz, YEI 3 iyun kuni Rossiyaga qarshi sanktsiyalarning oltinchi toʻplamini tasdiqladi. Toʻplam Rossiya nefti va neft mahsulotlari importiga qisman taqiq qoʻyishni oʻz ichiga oladi.
Rossiya prezidenti matbuot kotibi Dmitriy Peskov Yevropa Ittifoqining Rossiya neftiga qisman taqiq joriy etishi butun dunyo energetika bozoriga salbiy taʼsir koʻrsatishini maʼlum qilgan edi.
Yangiliklar lentasi
0