Iqtisod

Yer maydonlarining haqiqiy bahosi auktsionda aniqlanadi

© Sputnik / Ruslan KrivobokAuktsion
Auktsion  - Sputnik Oʻzbekiston, 1920, 07.06.2022
Obuna boʻlish
Yandex newsTelegram
Yerlarni auktsionga chiqarish jarayonlari ijarada 48 kundan 15 kunga, mulk huquqida 74 kundan 20 kunga qisqartiriladi.
TOSHKENT, 7 iyun — Sputnik. Oʻzbekistonda endi yer maydonlarining haqiqiy bahosi auktsionda aniqlanadi. Bu prezident Shavkat Mirziyoyev raisligi ostida oʻtgan yigʻilishda maʼlum qilindi.
Yigʻilishda oy yakuni bilan 25 mingta yer uchastkalarini servis va savdo obʼyektlari uchun auktsionga chiqarish shartligi koʻrsatib oʻtildi.
Taʼkidlanishicha, Oltiariq tumani soʻnggi ikki oyda 1,6 mingta yer uchastkasini auktsionga chiqargan. Buning uchun tuman ishchi guruhi tadbirkorlar bilan uchrashib, ular uchun maqbul boʻsh yer uchastkalarini ajratib olgan. Xususiy loyiha tashkilotlarini jalb qilib, topografik xaritalarni ishlab chiqqan. Auktsionga chiqarish uchun 15 ta idora bilan 7—10 kunda kelishilgan.
Davlat rahbari bu tajribani barcha tuman va shaharlarda joriy qilish kerakligini taʼkidlagan.
Endi:
yerlarni auktsionga chiqarish jarayonlari ijarada 48 kundan 15 kunga, mulk huquqida 74 kundan 20 kunga qisqartiriladi;
yer maydonlarini baholash ekspertizadan oʻtkazilmaydi, haqiqiy bahosi auktsionda aniqlanadi;
2023 yil 1 yanvardan boshlab yerlarni auktsionga chiqarishda kadastr idoralarida bor maʼlumotlarni boshqa idoralar bilan kelishish tartibi bekor qilinadi.
Bunda javobgarlik kadastrga maʼlumot taqdim etmagan idora rahbariga yuklanadi.
Avvalroq endi yer uchastkasini onlayn xususiylashtirish mumkinligi haqida xabar qilingan edi.
Yangiliklar lentasi
0