Dunyoda

Hindiston Rossiya nefti importini ikki baravarga oshirmoqchi – OAV

© Sputnik / Aleksey Danichev / Fotobankka oʻtishNeftyanaya platforma "Prirazlomnaya"
Neftyanaya platforma Prirazlomnaya - Sputnik Oʻzbekiston, 1920, 07.06.2022
Obuna boʻlish
Yandex newsTelegram
Hindiston neftni qayta ishlash zavodlari va Rossiya kompaniyasi allaqachon olti oylik yangi shartnomalar ustida ishlamoqda.
TOSHKENT, 7 iyun - Sputnik. Hindiston “Rosneft” taklif qilgan chegirmalardan foydalanib, nefti importini ikki baravarga oshirishni rejalashtirmoqda. Bu haqda “Bloomberg” xabar berdi.

“Boshqa davlatlar Moskva bilan hamkorlik qilishdan bosh tortayotgan bir vaqtda, Hindiston Rossiya nefti importini ikki baravar oshirish niyatida. Davlatga qarashli neftni qayta ishlash korxonalari “Rosneft”dan yaxshiroq taʼminot olishga intilmoqda”, deb yozadi agentlik.

Qayd etilishicha, Hindiston davlat neftni qayta ishlash zavodlari va Rossiya kompaniyasi allaqachon olti oylik yangi shartnomalar ustida ishlamoqda.
“Bloomberg”ning taʼkidlashicha, neft hajmi va narxlari haqidagi tafsilotlar hali ham muhokama qilinmoqda va Hindiston banklari barcha yetkazib berishlarni toʻliq moliyalashtirish niyatida.
Davlat neftni qayta ishlash korxonalariga “Indian Oil Corp”, “Hindustan Petroleum” va “Bharat Petroleum” kiradi, xususiy neftni qayta ishlash korxonalariga esa qisman “Rosneft”ga tegishli boʻlgan “Reliance Industries” va “Nayara Energy” kiradi.
“Bloomberg” hisob-kitoblariga koʻra, Hindiston fevral oyi oxiri va may oyi boshida 40 million barreldan ortiq Rossiya neftini sotib olgan, bu 2021 yildagidan taxminan 20 foizga koʻp.

“Osiyoning ikkinchi yirik neft isteʼmolchisi boʻlgan Hindistonda neftni qayta ishlash korxonalari arzon rus xomashyosini yoqilgʻiga aylantirish orqali daromadni oshirishga muvaffaq boʻladi, ular yoqilgʻisini Yevropa va AQShga eksport qiladi”, deya tushuntiradi nashr.

Manbalarga koʻra, Hindiston kompaniyalari tomonidan Rossiya xomashyosini sotib olishi hech qanday qonun yoki sanktsiyalarni buzmasligiga qaramay, AQSH va Yevropa Ittifoqi Dehliga qattiq bosim oʻtkazmoqda hamda mamlakatni Rossiyadan neft import qilishdan bosh tortishga undamoqda.
Eslatib oʻtamiz, YEI 3 iyun kuni Rossiyaga qarshi sanktsiyalarning oltinchi toʻplamini tasdiqladi. Toʻplam Rossiya nefti va neft mahsulotlari importiga qisman taqiq qoʻyishni oʻz ichiga oladi.
Rossiya prezidenti matbuot kotibi Dmitriy Peskov Yevropa Ittifoqining Rossiya neftiga qisman taqiq joriy etishi butun dunyo energetika bozoriga salbiy taʼsir koʻrsatishini maʼlum qilgan edi.
Yangiliklar lentasi
0