Siyosat

Norov Xitoy tashqi ishlar vaziri bilan uchrashdi

© Foto: MID UzbekistanaI.o. ministra inostrannыx del Uzbekistana Vladimir Norov vstretilsya s ministrom inostrannыx del Kitaya Van I
I.o. ministra inostrannыx del Uzbekistana Vladimir Norov vstretilsya s ministrom inostrannыx del Kitaya Van I - Sputnik Oʻzbekiston, 1920, 07.06.2022
Obuna boʻlish
Yandex newsTelegram
Vazirlar Xitoy-Qirgʻiziston-Oʻzbekiston temir yoʻli qurilishi loyihasining texnik-iqtisodiy asoslarini ishlab chiqishni jadallashtirish muhimligini taʼkidlashdi.
TOSHKENT, 7 iyun — Sputnik. Oʻzbekiston tashqi ishlar vaziri vazifasini bajaruvchi Vladimir Norov Nur-Sulton shahrida Xitoy Davlat kengashi aʼzosi, tashqi ishlar vaziri Van I bilan uchrashdi. Bu haqda TIV matbuot xizmati xabar bermoqda.
Taʼkidlanishicha, muloqot chogʻida Oʻzbekiston va Xitoy oʻrtasidagi har tomonlama strategik sheriklik munosabatlarining holati hamda uni rivojlantirish istiqbollari muhokama qilingan.
Vazirlar oliy darajada erishilgan kelishuvlarni amalda tatbiq etishning borishi, ikki davlat rahbarlari tomonidan hamkorlikning istiqbolli yoʻnalishlari boʻyicha ikki tomonlama munosabatlarni yanada rivojlantirish boʻyicha belgilangan vazifalar ijrosini muhokama qildilar.
“Xitoy-Qirgʻiziston-Oʻzbekiston temir yoʻli qurilishi loyihasini amaliy jihatdan roʻyobga chiqarish, jumladan, uning texnik-iqtisodiy asoslarini ishlab chiqishni jadallashtirish muhimligi taʼkidlandi”, - deyilgan xabarda.
Tomonlar Shanxay hamkorlik tashkiloti doirasidagi konstruktiv muloqotni chuqurlashtirish, Tashkilotning joriy yil sentyabr oyida Samarqand shahrida boʻlib oʻtadigan Sammitiga tayyorgarlikning borishi, xalqaro va mintaqaviy kun tartibidagi dolzarb masalalar yuzasidan fikr almashdilar.
Vazirlar mintaqaviy xavfsizlikni taʼminlash, Afgʻonistonda barqaror tinchlikka erishish va ushbu mamlakat iqtisodiyotini tiklash boʻyicha oʻzaro hamkorlik mexanizmlariga alohida eʼtibor qaratdilar.
Yangiliklar lentasi
0