Sport

Oliy sport mahorati instituti tashkil etildi

© Xokimiyat Sыrdarinskoy oblastiEkologicheskiy velomarafon Mo‘ynoqqa madad
Ekologicheskiy velomarafon Mo‘ynoqqa madad  - Sputnik Oʻzbekiston, 1920, 07.06.2022
Obuna boʻlish
Yandex newsTelegram
Institut davlat OTM shaklida boʻlib, unda professional taʼlim tizimini tamomlagan bitiruvchilar 3 yil davomida oʻqishi mumkin boʻladi.
TOSHKENT, 7 iyun — Sputnik. Xalqaro toifadagi Oʻzbekiston sport ustalarini tayyorlaydigan Oliy sport mahorati instituti tashkil etildi. Bu boʻyicha prezident 6 iyun kuni qaror qabul qildi.
Ushbu institut Olimpiya va paralimpiya sport turlari boʻyicha yuqori malakali hamda zamonaviy bilim va texnologiyalarni oʻzlashtirgan trener, hakam, selektsioner va boshqa mutaxassislarni tayyorlash maqsadida tashkil etildi.
Institut davlat OTM shaklida boʻlib, unda professional taʼlim tizimini tamomlagan bitiruvchilar 3 yil davomida oʻqishi mumkin boʻladi.
Institutga olimpiya va paralimpiya sport turlari boʻyicha milliy terma jamoa aʼzosi boʻlgan yoshlar sport natijalariga qarab hamda selektsiya boʻyicha davlat granti asosida oʻqishga qabul qilinadi.
Institutning asosiy vazifalari:
-Jismoniy tarbiya va sport sohasida yuqori malakali kadrlar, jumladan, Xalqaro toifadagi Oʻzbekiston sport ustasi hamda Oʻzbekiston sport ustasi, shuningdek, Oʻzbekiston sport ustaligiga nomzod sportchilarni tayyorlash;
-Yangi taʼlim dasturlari hamda oʻquv mashgʻulotlarining innovatsion shakllariniishlab chiqish va joriy etish;
-Talabalarning kasbiy moyilligi, mahorati va koʻnikmalarini chuqur rivojlantirish;
-Talabalarning respublika va xalqaro musobaqalarda ishtirokini taʼminlash, bu borada sport zaxirasi va milliy terma jamoalar tarkibini shakllantirishda ishtirok etish;
-Ilmiy-amaliy tadqiqotlar olib borish va ilmiy ishlanmalarni amaliyotga tatbiq qilish;
-Istiqbolli bitiruvchi sportchilarni chet el sport va ilmiy-tadqiqot muassasalariga oʻqishga yuborish orqali Institutning ilmiy-pedagogik salohiyatini oshirish.
Institutda oʻqish 2023/2024 oʻquv yilidan boshlanadi.
Institut bitiruvchilariga tanlangan sport turi boʻyicha “trener”, “hakam”, “selektsioner” va boshqa mutaxassisliklar beriladi.
Bitiruvchilar Oʻzbekiston oliy taʼlim toʻgʻrisidagi hujjat sifatida tan olinadigan davlat namunasidagi diplomga ega boʻladilar.
Institut Samarqand shahri, Ibn Sino koʻchasi, 17a-uy manzilida joylashadi.
Yangiliklar lentasi
0