Dunyoda

Sanktsiyalar Polshada ekologik falokat keltirib chiqarishi mumkin

© Sputnik / DjusBereg peresыxayuщego Aralskogo morya.
Bereg peresыxayuщego Aralskogo morya. - Sputnik Oʻzbekiston, 1920, 07.06.2022
Obuna boʻlish
Yandex newsTelegram
Polsha Rossiyaga qarshi sanktsiyalar tufayli Boltiqboʻyida falokat yuz berishini eʼlon qildi.
TOSHKENT, 7 iyul - Sputnik. Polsha tomonidan Rossiyaga qarshi kiritilgan sanktsiyalar Boltiq dengizi uchun ekologik halokat xavfini tugʻdirmoqda, dedi Polshaning “Sulzer Pumps Wastewater” kompaniyasi xodimi Mixal Dudek Onet.pl nashriga bergan intervyusida.
Qayd etilishicha, Polsha Ichki ishlar vazirligi aprel oyi oxirida rasmiylar Rossiya kapitali bilan aloqadorlikda gumon qilgan 35 firma faoliyatini de-fakto taqiqlagan. Roʻyxatga, xususan, kanalizatsiya tozalash va tashish sohasida ishlaydigan “Sulzer Pumps Wastewater” Polsha kompaniyasi kiritilgan. Mamlakat boʻylab yuzlab tashkilotlar uning xizmatlaridan foydalangan.
Dudekning soʻzlariga koʻra, bir qancha shahar va korxonalarning tozalash inshootlarida oʻrnatilgan uskunalar oʻn yildan ortiq vaqtdan beri toʻxtovsiz ishlab kelmoqda. Uning toʻsatdan ishlamay qolishi Boltiq dengizining ifloslanishi xavfini tugʻdiradi.
“Uskunalar buzilgan taqdirda kanalizatsiya daryo, koʻl yoki dengizga tashlanadi”, - deb tushuntirdi Dudek.

Taʼkidlanishicha, agar bunday muammo yuzaga kelsa, kompaniya xodimlari uni bartaraf eta olmaydi. Uning qoʻshimcha qilishicha, kompaniyaning yonilgʻi kartalari bloklangan, mashinalar lizing kompaniyasi tomonidan olib ketilgan, toʻlov amalga oshirilmagani uchun telefonlar tez orada oʻchadi.

“Qurilma kafolat ostida boʻladimi yoki yoʻqmi, biz xizmat koʻrsata olmaymiz yoki ehtiyot qismlarni almashtira olmaymiz. Ekologik halokat yaqinlashmoqda”, - deydi u.
Avvalroq, Rossiya bosh vaziri oʻrinbosari Aleksandr Novak Germaniya aholisi gaz narxining koʻtarilishi fonida ommaviy ravishda oʻtin zaxiralashni boshlaganini aytgan edi. Shuningdek, Polsha hukumati fuqarolarga energiya narxining oshishi sabab oʻrmonlarda oʻtin yigʻishni taklif qilayotgani haqida xabarlar tarqalgandi.
Xitoylik iqtisodchilar Gʻarb Rossiyaga qarshi sanktsiyalar bilan oʻzini oʻzi jazolaganini aytgan edi.
Yangiliklar lentasi
0