Video

Asirga tushgan ukrainalik harbiy uni armiyaga majburiy safarbar qilishganini soʻzlab berdi

Obuna boʻlish
Yandex newsTelegram
Uning soʻzlariga koʻra, u faqat okop qazish bilan shugʻullangan. Taslim boʻlganidan afsuslanmaydi.
LXRga taslim boʻlgan Ukraina Qurolli kuchlari harbiysi uni armiyaga majburiy safarbar qilishgani va uning qoʻmondonligi jang maydonida tashlab ketganini soʻzlab berdi.
U taslim boʻlganidan afsuslanmasligini maʼlum qilgan, chunki shu tariqa omon qolgan.
“Tayyorgarligi yoʻq, hech nima narsani bilmaydigan, umuman xizmat qilmagan odamlarni tashlab ketish normal emas. Men umuman xizmat qilmaganman. Bizni shunchaki tashlab ketishdi”, - deya fikr bildirgan u oʻz qoʻmondonligi haqida.
7 iyun kuni Rossiya mudofaa vaziri Sergey Shoygu taslim boʻlgan ukrainalik harbiylarning umumiy soni 6489 kishini tashkil etayotganini maʼlum qilgan edi.
Rossiya 24 fevral kuni Ukrainada maxsus harbiy operatsiya boshlanganini eʼlon qildi. Prezident Vladimir Putin ushbu operatsiyaning maqsadi "sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish" deb atagan.
Buning uchun Ukrainani demilitarizatsiya (harbiy infratuzilmalarini yoʻq qilish) va denatsifikatsiya (millatchilik gʻoyalaridan tozalash) qilish talab etiladi.
Mudofaa vazirligi bayonotiga koʻra, Qurolli Kuchlar faqat harbiy infratuzilma va Ukraina qoʻshinlariga zarba bermoqda. 25 martga kelib ular birinchi bosqichning asosiy vazifalarini bajarishdi - Ukrainaning jangovar salohiyatini sezilarli darajada kamaytirishdi.
Rossiya Mudofaa vazirligi endi asosiy maqsad - Donbassni ozod qilish ekanini taʼkidlagan.
Yangiliklar lentasi
0