Jamiyat

Qishloqlarda ekstremal sharoitda qoʻllaniladigan issiqlik qurilmasi yaratildi

© Sputnik / Mixail Fomichev / Fotobankka oʻtishVыstavka "Smotrite, eto — NANO!"
Vыstavka Smotrite, eto — NANO! - Sputnik Oʻzbekiston, 1920, 08.06.2022
Obuna boʻlish
Yandex newsTelegram
Qurilma yil davomida elektr energiyasi va issiq suv olish uchun moʻljallangan.
TOSHKENT, 8 iyun — Sputnik. Qishloq hududlarida ekstremal sharoitlarda qoʻllash uchun foto-issiqlik qurilma ishlab chiqildi. Bu haqda Fanlar akademiyasi xabar berdi.
Kristalli kremniydan tayyorlangan fotoyelektrik batareyalar asosidagi quvvati 300 Vt boʻlgan foto issiqlik qurilmasi respublikaning qishloq hududlarida yil davomida elektr energiyasi va issiq suv olish uchun moʻljallangan.
“Qurilmani tayyorlashda qishloq xoʻjaliklarida yashovchi aholiga yoz va qish ob-havo sharoitlarida elektr va maishiy texnika vositalaridan foydalanishda qulaylik yaratish zarurligiga eʼtibor qaratilgan”, deyiladi xabarda.
Uy sharoitida foydalanish uchun harorati 70°C gacha boʻlgan issiq suv olishda qurilma bilan “Ariston” tipidagi elektr suv isitgichlarini birgalikda ishlatish koʻzda tutilgan.
U zamonaviy kontroller, GEL tipidagi akkumulyatorlar, invertor, zamonaviy tayanch konstruktsiya va issiq suvni saqlash uchun 300 litr hajmli idish bilan jihozlangan.
Qurilma parametrlarining quyoshli tabiiy sharoitlarga bogʻliqligi oʻrganilgan. Quvvati 600 Vt gacha boʻlgan ~ 220 V, – 12 V va –5,4 V kuchlanishga moʻljallangan isteʼmolchilar uchun loyihalash va ishlab chiqarish boʻyicha tavsiyalar berilgan.
Qurilma Fizika-texnika institutining geliopoligoni sharoitida sinovlardan muvafaqqiyatli oʻtkazildi.
Yangiliklar lentasi
0