Siyosat

Toshkentda SHHT Yoshlar Kengashining 15- yigʻilishi boʻlib oʻtadi

© Sputnik / Ramiz BaxtiyarovFlagi gosudarstv-chlenov SHOS
Flagi gosudarstv-chlenov SHOS - Sputnik Oʻzbekiston, 1920, 08.06.2022
Obuna boʻlish
Yandex newsTelegram
Yigʻilish yakunlari boʻyicha 2022-2023 yillarga moʻljallangan ish reja tasdiqlanishi kutilmoqda.
TOSHKENT, 8 iyun — Sputnik. 9-10 iyun kunlari Toshkentda Shanxay hamkorlik tashkiloti (SHHT )Yoshlar kengashining 15- yigʻilishi boʻlib oʻtadi. Bu haqda Tashqi ishlar vazirligi xabar berdi.
Yuqori darajadagi uchrashuvda SHHT Yoshlar kengashining aʼzo davlatlardagi masʼul vazirlik va idoralar rahbarlari boshchiligidagi delegatsiyalar, SHHT va Yoshlar kengashi Kotibiyatlari ishtirok etishi kutilmoqda.
“Ushbu yigʻilish mintaqada yoshlarga yaratilayotgan keng imkoniyatlar, ularning intellektual salohiyatini oshirish hamda bandligini taʼminlash boʻyicha birgalikda yoshlar uchun yangi dastur va loyihalarni ishlab chiqish va ularni amalga oshirishni oʻz ichiga oladi”, - deyiladi xabarda
Aytilishicha, yoshlar sohasidagi innovatsion va ilmiy-texnikaviy hamkorlik, yosh mutaxassislar uchun oʻzaro tajriba almashish maydonlarini yaratish, ularning salohiyatini oshirish kabi dolzarb yoʻnalishlarda hamkorlikni kengaytirish yuzasidan fikr almashiladi.
Uchrashuv doirasida Oʻzbekiston tashabbusi bilan oʻtkazilayotgan “Unicorns SCO: SHHT yoshlari oʻrtasida eng yaxshi startap loyihalar tanlovi”ning final bosqichi gʻoliblarini tantanali mukofotlash marosimi tashkil etiladi.
Unda SHHTga aʼzo mamlakatlarning Yoshlar kengashi faollari ishtirok etishi kutilmoqda. Yigʻilish yakunlari boʻyicha SHHT Yoshlar kengashining 2022-2023 yillarga moʻljallangan ish rejasi tasdiqlanishi kutilmoqda.
Maʼlumot uchun, hozirgi vaqtda SHHT hududida 3,2 mlrddan ortiq aholi istiqomat qilmoqda. Ularning 55% dan ortigʻi yoshlarni tashkil etmoqda.
Yangiliklar lentasi
0