Hodisalar

Toshkentdan Nukusga ketayotgan avtobus yonib ketdi

© SputnikObespecheniye bezopasnosti narodnыx gulyaniy vo vremya prazdnovaniya Dnya nezavisimosti i Kurban-xayita
Obespecheniye bezopasnosti narodnыx gulyaniy vo vremya prazdnovaniya Dnya nezavisimosti i Kurban-xayita - Sputnik Oʻzbekiston, 1920, 08.06.2022
Obuna boʻlish
Yandex newsTelegram
Yongʻin natijasida avtobus toʻliq yonib ketgan. Hodisa oqibatida tan jarohati olganlar va halok boʻlganlar yoʻq.
TOSHKENT, 8 iyun — Sputnik. Bugun tongda Toʻrtkoʻl tumani hududidan oʻtgan avtomagistral yoʻlida harakatlanayotgan avtobusda yongʻin sodir boʻldi. Bu haqda FVV xabar berdi.
Aytilishicha, soat 03:14 da Qoraqalpogʻiston Respublikasi Toʻrtkoʻl tumani “Oq qamish” OFY hududidan oʻtgan A-380 avtomagistral yoʻlining 555 km.da Toshkentdan Nukusga harakatlanib kelayotgan “YUTONG” rusumli yoʻlovchi tashuvchi avtobusda yongʻin sodir boʻlayotganligi toʻgʻrisida tuman FV boʻlimiga xabar kelib tushgan.
“2 ta yongʻin-qutqaruv ekipaji soat 03:40 da voqea joyiga yetib borib, yongʻin soat 04:15 da bartaraf etilgan”, deyiladi xabarda.
Yongʻin natijasida avtobus toʻliq yonib zararlangan. Yongʻin elektr simlarining qisqa tutashuvi natijasida sodir boʻlganligi taxmin qilinmoqda.
Avtobus salonida 55 nafar yoʻlovchi va 2 nafar haydovchi boʻlgan. Hodisa oqibatida tan jarohati olganlar va halok boʻlganlar yoʻq.
Maʼlumot uchun, eng yaqin yongʻin oʻchirish qismidan yongʻin roʻy bergan manzilgacha boʻlgan masofa taxminan 45 kmni tashkil etadi.
Yangiliklar lentasi
0