Iqtisod

Kasanachilikni ragʻbatlantirish rejalashtirilmoqda

© Sputnik / Yekaterina Chesnokova / Fotobankka oʻtishProizvodstvo odejdы
Proizvodstvo odejdы - Sputnik Oʻzbekiston, 1920, 09.06.2022
Obuna boʻlish
Yandex newsTelegram
Kasanachilik bilan shugʻullanayotgan fuqarolarga asbob-uskunalar xarid qilib berish xarajatlarining 50 foizigacha boʻlgan qismi, biroq BHMning 10 baravarigacha miqdorida subsidiya ajratish taklif qilinmoqda.
TOSHKENT, 9 iyun — Sputnik. Oʻzbekistonda kasanachilik tashkil etgan tadbirkorlarni ragʻbatlantirish rejalashtirilmoqda. Bandlik va mehnat munosabatlari vazirligi tegishli qonun loyihasini ishlab chiqib, jamoatchilik muhokamasiga qoʻydi.
Prezidentning "Kasanachilikni rivojlantirish asosida aholi bandligini taʼminlashga doir qoʻshimcha chora-tadbirlar toʻgʻrisida" 2022 yil 21 apreldagi PQ-214-son qaroriga muvofiq loyiha bilan 2022 yil 1 iyuldan 2025 yil 1 yanvarga qadar quyidagilar taklif qilinmoqda:
Jamoat ishlari jamgʻarmasi mablagʻlari hisobidan olis va chekka hududlardagi mahallalarda kasanachilikni tashkil etgan tadbirkorlik subʼyektlariga har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida bir martalik subsidiya ajratish;
Bandlikka koʻmaklashish davlat jamgʻarmasi hisobidan tadbirkorlik subʼyektlariga "Temir daftar", "Ayollar daftari", "Yoshlar daftari"ga kiritilgan yoki "Ijtimoiy himoya yagona reyestri"da boʻlgan va kasanachilik bilan shugʻullanayotgan fuqarolarga asbob-uskunalar xarid qilib berish xarajatlarining 50 foizigacha boʻlgan qismi, biroq bazaviy hisoblash miqdori 10 baravarigacha miqdorida subsidiya ajratish.
Loyiha bilan quyidagilarni tasdiqlash taklif qilinmoqda:
- olis va chekka hududlardagi mahallalarda kasanachilikni tashkil etgan tadbirkorlik subʼyektlariga subsidiya ajratish tartibi toʻgʻrisidagi nizom;
- kasanachilik bilan shugʻullanayotgan fuqarolarga asbob-uskunalarini xarid qilish uchun subsidiya ajratish tartibi toʻgʻrisidagi nizom.
Kasanachilar soliq borasida oʻzini oʻzi band qilgan shaxslarga tenglashtirildi
Yangiliklar lentasi
0