Jamiyat

Mutaxassisligi boʻyicha 5 yil ishlagan xotin-qizlar tavsiyanoma asosida oʻqishga qabul qilinadi

© Sputnik / Aleksey Mayshev / Fotobankka oʻtishStudentы
Studentы  - Sputnik Oʻzbekiston, 1920, 09.06.2022
Obuna boʻlish
Yandex newsTelegram
Mutaxassisligi boʻyicha kamida 5 yil mehnat staji mavjud, biroq oliy maʼlumotga ega boʻlmagan xotin-qizlar davlat OTMga alohida qabul parametrlari doirasida toʻlov-kontrakt asosida oʻqishga qabul qilinadi.
TOSHKENT, 9 iyun — Sputnik. Oʻzbekistonda mutaxassisligi boʻyicha 5 yil ish stajiga ega xotin-qizlar tavsiyanoma asosida oʻqishga qabul qilinadi. Hukumat qarori bilan tegishli nizom tasdiqlandi.
Unga koʻra, mutaxassisligi boʻyicha kamida 5 yil mehnat staji mavjud, biroq oliy maʼlumotga ega boʻlmagan xotin-qizlar davlat OTMga alohida qabul parametrlari (jami 500 ta kvota) doirasida toʻlov-kontrakt asosida oʻqishga qabul qilinadi.
Bunda oʻqishga qabul qilish Oila va xotin-qizlar davlat qoʻmitasi tavsiyanomasi asosida amalga oshiriladi.
Tavsiyanoma olish uchun talabgor quyidagi mezonlarning barchasiga muvofiq kelishi kerak:
oʻrta maxsus yoki professional taʼlim boʻyicha mutaxassislikka ega boʻlishi;
tavsiyanoma olgunga qadar oliy taʼlim olmaganligi yoki olmayotganligi;
oʻrta maxsus yoki professional taʼlim mutaxassisligi boʻyicha 5 yillik mehnat stajiga ega boʻlishi.
Tavsiyanoma berilgan kundan boshlab 3 yil davomida faqat bir marta OTMga qabul qilinishi uchun amal qiladi.
Tavsiyanoma olish uchun talabgor doimiy yashash yoki vaqtincha roʻyxatda turgan joyidagi tuman (shahar) oila va xotin-qizlar boʻlimlariga har yili 1 maydan 1 iyungacha ariza bilan murojaat qiladi.
Ariza va hujjatlar 7 iyungacha koʻrib chiqiladi. Shunga koʻra, ishchi guruh xulosasi 10 iyungacha Qoʻmitaga taqdim qilinadi.
Hujjatlar Qoʻmita tomonidan 14 iyungacha koʻrib chiqilib, tavsiyanoma berish yoki uni rad etish toʻgʻrisida buyruq chiqariladi.
Yangiliklar lentasi
0