Sport

Oʻzbekistonlik gimnastikachilar Moskvada beshta medalni qoʻlga kiritdi

Gimnastki iz Uzbekistana zavoyevali 5 bronzovыx nagrad
Gimnastki iz Uzbekistana zavoyevali 5 bronzovыx nagrad - Sputnik Oʻzbekiston, 1920, 09.06.2022
Obuna boʻlish
Yandex newsTelegram
Moskvada boʻlib oʻtgan “Kuchlilar turniri”da Oʻzbekiston terma jamoasi vakillari 5 ta bronza medaliga sazovor boʻldi.
TOSHKENT, 9 iyun — Sputnik. Badiiy gimnastika boʻyicha “Kuchlilar turniri” musobaqasining birinchi bosqichida ishtirok etgan Oʻzbekiston terma jamoasi vakillari 5 ta bronza medaliga sazovor boʻldi. Bu haqda Milliy olimpiya qoʻmitasi matbuot xizmati xabar berdi.
Musobaqa Moskvadagi Irina Viner-Usmanova gimnastika saroyida boʻlib oʻtdi. Unda gimnastikachilar Osiyo chempionati oldidan oʻz imkoniyatlarini sinovdan oʻtkazdi.
Yosmina Rahimova musobaqa doirasida koʻpkurash dasturida bronza medalini qoʻlga kiritdi. U faqat rossiyalik opa-singil Dina va Arina Averinalarga imkoniyatni boy berdi, xolos.
Shuningdek, mazkur yoʻnalishda qatnashgan Oʻzbekiston terma jamoasi vakillari Mila Boturina toʻrtinchi, Yekaterina Fetisova esa oltinchi oʻrinni egalladi.
Yosmina alohida mashqlar dasturida xalqa va tasmadagi chiqishlari bilan ham shohsupaning uchinchi pogʻonasidan joy oldi. Tokio-2020 ishtirokchisi Yekaterina Fetisova bulava mashqida, qolaversa, Viktoriya Neskubo, Iroda Sodiqova, Diyora Baxtiyorova, Mubina Kamolova, Yasmin Mirzayarova, Dominika Damirovadan iborat qizlar jamoaviy dasturda uchinchi natijani qayd etishdi.
“Taʼkidlash joiz, bu turnir 23-26 iyun kunlari Tailandda oʻtkaziladigan Osiyo chempionati oldidan gimnastikachilarimizning sport formasi va tayyorgarligini koʻzdan kechirib olish uchun ayni muddao boʻldi”, - deyiladi xabarda,
Yangiliklar lentasi
0