Jamiyat

Rossiya va Oʻzbekiston oʻrtasida poyezd qatnovi qachon qayta tiklanishi aniq boʻldi

© Sputnik / Vladimir Smirnov / Fotobankka oʻtish100-letiye Transsibirskoy jeleznodorojnoy magistrali
100-letiye Transsibirskoy jeleznodorojnoy magistrali - Sputnik Oʻzbekiston, 1920, 09.06.2022
Obuna boʻlish
Yandex newsTelegram
Rossiya hududiga kirishda koronavirusga topshirilgan PZR test talab qilinmaydi.
TOSHKENT, 9 iyun — Sputnik. “Rossiyskiye jelezniye dorogi” (RJD) kompaniyasi 23 iyundan Rossiya va Oʻzbekiston oʻrtasidagi xalqaro yoʻlovchi poyezdlari harakatini tiklaydi. Bu haqda kompaniya matbuot xizmati xabar bermoqda.
Poyezd quyidagi jadval boʻyicha harakatlanadi:
23 iyundan № 5/6 –sonli poyezd Toshkent – Samara yoʻnalishida haftasiga bir marta Toshkentdan (payshanba kunlari) va Samaradan (yakshanba kunlari);
25 iyundan № 323/324-sonli poyezd Toshkent – Volgograd yoʻnalishida haftasiga bir marta Toshkentdan (shanba kunlari) va Volgograddan (seshanba kunlari).
Taʼkidlanishicha, bu poyezdlarga chiptalar sotuvi yaqin kunlarda ochiladi. Chiptani joʻnab ketishdan 45 kun oldin xarid qilish mumkin.
“Mamlakat hududiga kirishda Rossiya va Oʻzbekiston fuqarolari uchun ilgari amal qilgan sanitariya cheklovlari bekor qilingan. Koronavirusga topshirilgan PZR test talab qilinmaydi”, - deyilgan xabarda.
Avvalroq Rossiya 14 iyundan boshlab temir yoʻl orqali kelayotgan Oʻzbekiston fuqarolarining kirishiga qoʻyilgan cheklovlarni bekor qilishi xabar qilingan edi.
Oʻzbekiston va Rossiya oʻrtasidagi xalqaro yoʻlovchi poyezdlari qatnovi 2020 yil martida koronavirus pandemiyasi sabab toʻxtatib qoʻyilgan edi.
Yangiliklar lentasi
0