Kolumnistlar

Rossiya yangi dunyo qurmoqda. Gʻarb esa eskisini vayron qilish bilan mashgʻul

© Sputnik / Aleksei Kudenko / Fotobankka oʻtishBoytsы Narodnoy militsii DNR podnimayut gosudarstvennыy flag Donetskoy narodnoy respubliki v Volnovaxe
Boytsы Narodnoy militsii DNR podnimayut gosudarstvennыy flag Donetskoy narodnoy respubliki v Volnovaxe - Sputnik Oʻzbekiston, 1920, 09.06.2022
Obuna boʻlish
Yandex newsTelegram
Biror nimaning yangisini qurish uchun, avval eskisini yoʻqotish kerak. Gʻarb oʻz qoʻllari bilan eski dunyo tarbini vayron qilish bilan band boʻlgan vaqtda, Rossiya yangi dunyo qurishga kuch sarflamoqda.
Har kuni nafaqat ozod boʻlgan hududlar- birinchi navbatda, DXR, LXR, Xerson va Zaporojye viloyatlarining- tinch hayotga qaytayotgai, balki u yerda turmushning Rossiyaga birgalikda va hamohang yangi bosqichga koʻtarilayotgani haqida maʼlumotlar juda koʻp koʻzga tashlanyapti.
Mariupol porti oʻz ishini tikladi, shu bilan birga harbiy harakatlardan katta zarar koʻrgan shaharni tiklash uchun Rossiya, shuningdek Favqulodda vaziyatlar vazirligi juda koʻp kuch sarflamoqda.
Ozod etilgan Zaporojye viloyatining vaqtinchalik poytaxti - Melitopolda maktablar yangi oʻquv yilidan besh ballik sistemada rus tilidagi taʼlim tizimiga oʻtadi. U yerda 12 iyun, Rossiya kunida viloyat aholisiga Rossiya fuqarosi pasportlari topshiriladi.
Sergey Shoygu Rossiya, Donbass, Ukraina va Qrim oʻrtasidagi temir yoʻl aloqalarining qayta ishga tushirilgani haqida maʼlum qildi. Shuningdek, vazir Mariupol, Berdyansk, va Xersonga yuk yetkazib berish allaqachon boshlanganini qoʻshimcha qildi. Ozod etilgan hududlarning rubl tizimi va Rossiya mobil aloqalari va internetiga oʻtgani allaqachon hammaga maʼlum. Rossiya yuqori mansabdor shaxslarining respublikalarga, Xerson va Melitopolga tashriflari odatiy holga aylandi. Harbiy-fuqaroviy maʼmuriyat Zaporoj viloyatining Rossiya tarkibiga kirishi borasida referendumga tayyorgarlik koʻrishni boshladi.
Bular kundan-kunga koʻpayib borayotgan axborotlarning juda kichik tafsilotlari xolos.
Bu albatta bizning Vatanimiz bilan yana bir bor faxrlanishimizga sabab. Eng yaxshi milliy anʼanalariga sodiq qolgan holda, qayerga bormasin, Rossiya koʻmak berish, bunyod etish, tiklash va rivojlantirish taashabbuslarini boshlab yuboradi.
Biroq, sodir boʻlayotgan voqealarning yaqqol koʻzga tashlanmaydigan, biroq anchayin ahamiyatli jihati ham bor.
Biz dunyo tizimlari chuqur transformatsiyasining xavfli davrida yashayapmiz. Koʻz oʻngimizda tashkilotlar tanazzulga yuz tutyapti, deyarli sakkiz oʻn yilliklar davomida insoniyat tsivilizatsiyasi uchun asosiy boʻlgan jarayonlar toʻxtayapti. Tizimli inqiroz sohalarni tobora koʻproq qamrab olmoqda, dunyo kelajagi haqidagi prognozlar esa yanada qoʻrqinchli koʻrinadi.
Shunga qaramay, mamlakatimizga nisbatan adovat his qilib yurganlar ham Rossiya boʻlayotgan jarayonlarda oʻzini ishonch bilan mustahkam tutayotganini, qiyin vaziyatdan global gʻolib sifatida namoyon boʻlayotganini tan olishadi. Bu holat esa ozod qilingan hududlarda kechayotgan jarayonlar bilan bevosita bogʻliq, degan jiddiy shubha bor.
Bir qutbli dunyo eskirgani, global tizim tanazzulga uchragani, AQSH (va umuman Gʻarb) gegemonlik mavqesini nomaqbul tarzda suisteʼmol qilayotgani sababli real haqiqatga mos, yangi hayot qurish kerakligi haqida bir necha yillardan buyon koʻp gapiriladi.
Maʼlumki, nimanidir yangisini qurish uchun, avval eskisini yoʻqotish kerak. Biroq, eskisini vayron qilish ham koʻp resurs va kuch talab qilishi haqida deyarli oʻylamaymiz ham. Vayron qilayotganingiz boshingizga tushib sizni ham vayron qilmasligi uchun xavfsizlik choralari koʻrish kerak.
Soʻnggi paytlarda AQSH va Yevropaning Rossiyani “qoidalarga asoslangan dunyo tartibini” buzganlikda ayblashlari oddiy holga aylandi.
Agar vaziyatga real qaraydigan boʻlsak, Moskva hech qachon vayronkorlik uchun resurs sarflamagan. Yigirma yillar oldin u, iloji boʻlsa eskirgan dunyo tizimi bilan toʻqnash kelmasdan shunchaki yangisini bunyod etish strategiyasini tanlagan. Oʻsha paytda esa eskirgan dunyo tizimi tanazzulga yoʻl tutayotgan, yangi tuzilmalar, jarayonlarning taʼsiri va kuchi oʻsishni boshlagan edi.
Masalan, Rossiya tashabbusi bilan tashkillashtirilgan BRIKS, SHHT, KXSHT va koʻplab boshqa tashkilotlar yillar davomida istehzo mavzusiga aylangan edi. Albatta, Buyuk Pyotrning “ermak” polklari ham katta kuchga aylanishidan oldin ularning ustidan ham kulishgan edi.
Eski dunyo tarbining vayron qilish bilan esa Gʻarbning oʻzi yaxshi shugʻullanib kelyapti. Ajablanarlisi shundaki, u oʻz fikrida oʻzi asosiy manfaatdor boʻlgan tizimni qattiq himoya qiladi, lekin oxir-oqibat uning halokatini tezlashtiradi. Ayniqsa, sanktsion jazava bunga yaxshi dalil boʻladi.
Albattaki, yoʻqolayotgan eski va paydo boʻlayotgan yangi tartibning toʻqnashuvisiz hech narsa boʻlmaydi. Xususan, Ukrainadagi maxsus harbiy operatsiya aynan mana shu toʻqnashuv boʻldi. Gʻarb vaziyatni Rossiya aslo oʻtishga yoʻl qoʻymadigan chiziqqa olib keldi.
Shunda ham Moskva oʻziga sodiq qoldi. Yevropa va AQSH Kiyev elitalari bilan birgalikda Ukrainani vayron etishda, “asosiysi Putin gʻalaba qilmasin” shiori bilan oʻz iqtisodiyotini halokatga olib kelishda davom etar ekan, Rossiya oʻz resusrlarini ozod boʻlgan hududlarni qayta tiklash uchun sarflashni afzal biladi.
Kimning strategiyasi samaraliroq ekanini vaqt koʻrsatadi.
Yangiliklar lentasi
0