Jamiyat

Turkish Airlines Istanbuldan Buxoroga parvozlarni yoʻlga qoʻydi

© AFP / OZAN KOSESamoletы aviakompanii "Turkish Airlines"
Samoletы aviakompanii Turkish Airlines - Sputnik Oʻzbekiston, 1920, 09.06.2022
Obuna boʻlish
Yandex newsTelegram
Turkish Airlines aviakompaniyasi Istanbuldan Buxoroga toʻgʻridan-toʻgʻri parvozlarni yoʻlga qoʻydi. Natijada Oʻzbekiston va Turkiya shaharlari oʻrtasida amalga oshirilayotgan muntazam aviaqatnovlar soni 56 taga yetdi.
TOSHKENT, 9 iyun — Sputnik. Turkish Airlines aviakompaniyasi Istanbuldan Buxoroga toʻgʻridan-toʻgʻri reyslarni yoʻlga qoʻydi. Bu haqda Oʻzbekiston Transport vazirligi matbuot xizmati xabar berdi.
Qayd etilishicha, 7 iyun kuni soat 07:42 da Turkish Airlines aviakompaniyasi samolyoti Buxoro aeroportiga kelib qoʻngan. Shu munosabat bilan aeroportda tantanali tadbir tashkil etilgan.
Aviakompaniya tomonidan Istanbul – Buxoro – Istanbul yoʻnalishida muntazam aviaqatnovlar haftaning seshanba va juma kunlari bajariladi.
Hozirda Oʻzbekiston va Turkiya shaharlari oʻrtasida amalga oshirilayotgan muntazam aviaqatnovlar soni 56 taga yetdi.
Xususan, Uzbekistan Airways hamda Turkish Airlines tomonidan paritet asosida:
Toshkent—Istanbul—Toshkent yoʻnalishida haftasiga 17 tadan;
Urganch—Istanbul—Urganch yoʻnalishida haftasiga 2 tadan;
Samarqand—Istanbul—Samarqand yoʻnalishida haftasiga 4 tadan;
Fargʻona—Istanbul—Fargʻona yoʻnalishida haftasiga 3 tadan;
Buxoro—Istanbul—Buxoro yoʻnalishida haftasiga 2 tadan muntazam qatnovlar amalga oshirilmoqda.
Eslatib oʻtamiz, 15 maydan boshlab Uzbekistan Airways aviakompaniyasi Buxoro — Istanbul — Buxoro yangi xalqaro yoʻnalishi boʻyicha muntazam aviaqatnovlarni yoʻlga qoʻygan.
Yangiliklar lentasi
0