Jamiyat

Dam olish kunlari havo harorati pasayishi mumkin

© Sputnik / Ilya Naymushin / Fotobankka oʻtishSbor urojaya zerna
Sbor urojaya zerna - Sputnik Oʻzbekiston, 1920, 10.06.2022
Obuna boʻlish
Yandex newsTelegram
10-12 iyunda respublikaning ayrim joylarida shamol 17-22 m/s gacha kuchayishi kutilmoqda, chang-toʻzonlari kuzatilishi mumkin.
TOSHKENT, 10 iyun — Sputnik. Dam olish kunlari Oʻzbekistonda harorat pasayishi kutilmoqda. Baʼzi joylarda momaqaldiroqli qisqa muddatli yomgʻir yogʻadi, deya xabar berdi “Oʻzgidromet”.
Qayd etilishicha, bugun kun davomida mamlakat hududining katta qismida quruq va biroz issiq ob-havo saqlanib turadi. Faqat respublikaning shimolida, kunning ikkinchi yarmida Toshkent viloyatida va Fargʻona vodiysi viloyatlarida qisqa muddatli yomgʻir yogʻishi, momaqaldiroq boʻlishi mumkin. Kunduzi havo harorati 34-39 daraja atrofida, janubda baʼzi joylarda 40-42 darajagacha boʻladi.
11 iyunda Oʻzbekiston hududiga Kavkaz hududlaridan biroz nam va nisbatan salqin havo kirib keladi. Qoraqalpogʻistonda, Xorazm, Buxoro, Navoiy viloyatlarida, 11-12 iyunda Toshkent, Samarqand, Jizzax, Sirdaryo viloyatlarida va Fargʻona vodiysi viloyatlarida baʼzi joylarda qisqa muddatli yomgʻir yogʻadi, momaqaldiroq boʻlishi mumkin.
13 iyunda faqat Toshkent viloyatida va Fargʻona vodiysi viloyatlarida qisqa muddatli yomgʻir yogʻishi va momaqaldiroq boʻlishi mumkin. Respublikaning qolgan hududlarida yogʻingarchilik kutilmaydi.
10-12 iyunda respublikaning ayrim joylarida shamol 17-22 m/s gacha kuchayishi kutilmoqda, chang-toʻzonlari kuzatilishi mumkin.
Respublikaning togʻ oldi va togʻli hududlarida 10-14 iyunda vaqti-vaqti bilan qisqa muddatli yomgʻir yogʻadi, momaqaldiroq boʻladi, sel-suv toshqin hodisalari yuzaga kelishi mumkin. Ayrim joylarda doʻl yogʻishi ehtimoli bor.
Kunduzi havo harorati asta-sekin pasayadi va 12 iyunga kelib 31-33 darajani tashkil etadi.
Yangiliklar lentasi
0