Rossiya

Rossiya nima uchun Yaponiyaga baliq ovlashni taqiqlagani maʼlum boʻldi

© Sputnik / Viktor Antonyuk / Fotobankka oʻtishJizn v osvobojdennыx selax DNR
Jizn v osvobojdennыx selax DNR - Sputnik Oʻzbekiston, 1920, 10.06.2022
Obuna boʻlish
Yandex newsTelegram
Yaponiya baliqchilari 1998 yilda imzolagan shartnomaga koʻra Kuril orollarining janubiy qismida kvota doirasida baliq ovlash bilan shugʻullanib kelgan.
TOSHKENT, 10 iyun — Sputnik. Rossiya hukumati Yaponiyani kvota uchun pul toʻlashdan bosh tortgani uchun Kuril orollarida baliq tutish imkoniyatidan mahrum qildi. Bu haqda Rossiya prezidentining Uzoq Sharq federal okrugidagi vakolatli vakili, Bosh vazir oʻrinbosari Yuriy Trutnev maʼlum qildi, deya xabr berdi Ria Novosti.
“Ular Kuril orollaridan baliq ovlash kvotalari uchun pul toʻlashdan bosh tortdi, Shuning uchun, mos ravishda bu huquq ulardan olib qoʻyiladi. Ular oʻzlarini oʻzlari jazolayapti, ularga yordam berish shart emas”, deydi u.
Avvalroq, Rossiya 1998 yilda dengiz jonli resurslarini yigʻish sohasida hamkorlik toʻgʻrisidagi hukumatlararo kelishuvning bajarilishini “yapon tomoni barcha moliyaviy majburiyatlarini bajarmaguncha” toʻxtatib qoʻygandi. Rossiya Tashqi ishlar vazirligi matbuot kotibi Mariya Zaxarovaning aytishicha, Tokio “Saxalin viloyatiga tekin texnik yordam koʻrsatish toʻgʻrisidagi yillik ijro hujjatini imzolashni kechiktirib, toʻlovlarni toʻxtatib qoʻyish yoʻliga oʻtgan”.
Yaponiya va Rossiya ushbu shartnomani 1998 yilda imzolagan. Bu yapon baliqchilariga Kuril orollarining janubiy qismida Rossiya tomonidan ajratilgan kvota doirasida baliq ovlashga ruxsat beradi.
21 mart kuni Rossiya TIV “Yaponiya tomonidan Rossiyaga qarshi joriy etilgan bir tomonlama cheklovlarning nodoʻstona tabiati” tufayli Moskva Tokio bilan tinchlik shartnomasi boʻyicha muzokaralarni davom ettirish niyatida emasligini maʼlum qildi. Shuningdek, Moskva yaponlarning Kuril orollariga vizasiz sayohatlarini toʻxtatdi.
Yangiliklar lentasi
0