Video

Maqsad - jamoani Olimpiadaga olib chiqish. Rossiyalik murabbiy bilan suhbat - video

Obuna boʻlish
Yandex newsTelegram
Jamoani boshqa darajaga chiqarish, finalda va Olimpiadadagi sovrinli oʻrinlar uchun kurashish, - Yelena Azarova.
TOSHKENT, 11 iyun - Sputnik. 18 iyun kuni Budapeshtda suv sporti boʻyicha jahon chempionati boʻlib oʻtadi.Unda Oʻzbekiston terma jamoasi sinxron suzish boʻyicha ishtirok etadi. Ayni damda Oʻzbekiston sixron suzish jamoasini rossiyalik mashhur suzuvchi Yelena Azarova tayyorlamoqda.
Sputnik muxbiri sportchilar va murabbiy bilan suhbatda boʻldi.
Respublikaning salohiyati katta. Biz koʻproq mahoratni oshirish va mashgʻulot jarayonlariga jiddiy eʼtibor berishga harakat qilyapmiz. Qizlarda katta kelajakni koʻryapman, -deydi Yelena Azarova.

Kelajakda ulkan maqsadlar kutilmoqda. “Jamoani boshqa darajaga chiqarish. Finalda ham kurashishimiz uchun. Agar kengroq gapiradigan boʻlsam - Olimpiadadagi sovrinli oʻrinlar uchun kurashish”, - deydi murabbiy.

Terma jamoa aʼzolari Yelena Yuryevnani hurmat qilishadi va uningdek yuksak choʻqqilarga erishishni orzu qilishadi.
“U bilan ishlash oson. Hammasini toʻgʻri tushuntiradi. Bizga yoqadi. Bundan tashqari, u Olimpiya chempioni. Unga oʻxshashga harakat qilamiz”, deydi sportchilardan biri.
Rossiyalik murabbiyga Oʻzbekiston va bu yerning odamlari maʼqul kelgan.
“Hozircha Oʻzbekistonning kam joylarida boʻldim, ammo asosiy taassurotlarim - odamlar. Atrofimdagi odamlar shunaqangi ajoyibki”, - deydi Azarova.
Maʼlumot uchun, Yelena Azarova - ikki karra Olimpiya chempioni, jahon chempioni, yetti karra Yevropa chempioni va ikki karra SSSR chempioni. 2016 yili uning ismi jahon suzish sportining shon-sharaf zaliga kiritilgan.
Yangiliklar lentasi
0