Jamiyat

Qishloq xoʻjaligi vazirligiga yer degradatsiyasiga qarshi kurashishga oid vazifalar yuklatildi

© Sputnik / Sergey PivovarovStart massovoy posevnoy kampanii
Start massovoy posevnoy kampanii - Sputnik Oʻzbekiston, 1920, 12.06.2022
Obuna boʻlish
Yandex newsTelegram
Prezident qarori bilan Yerlar degradatsiyasi jarayonlari bilan kurashish masalalari boʻyicha departament tashkil etildi.
TOSHKENT, 12 iyun — Sputnik. “Yerlar degradatsiyasiga qarshi kurashishning samarali tizimini yaratish chora-tadbirlari toʻgʻrisida”gi prezident qarori qabul qilindi.
Qaror bilan Qishloq xoʻjaligi vazirligiga yerlar degradatsiyasiga qarshi kurashish masalalari boʻyicha bir qator qoʻshimcha vazifalar yuklatildi.
Vazirlik, jumladan:
yerlar degradatsiyasi jarayonlari bilan kurashish sohasida yagona davlat siyosatini yuritadi;
ushbu sohada davlat dasturlari va istiqbolga moʻljallangan strategiyalarni ishlab chiqadi hamda ularni amalga oshirishda ishtirok etuvchi vazirlik va idoralar faoliyatini muvofiqlashtiradi;
yerlar degradatsiyasi va choʻllanishi, shu jumladan yerlarni tiklash, rekultivatsiya va melioratsiya tadbirlari, yaylovlardan almashlab foydalanish, ularni saqlash va fitomelioratsiyalash, qishloq xoʻjaligi ekinlarini almashlab ekish, oʻrmonlar va ihotazorlar barpo qilish jarayonlari monitoringini yuritadi;
yerlar degradatsiyasiga qarshi kurashish ishlarini olib borishga masʼul korxona, muassasa, tashkilotlar rahbarlari va boshqa mansabdor shaxslar uchun bu boʻyicha bajarilishi majburiy boʻlgan koʻrsatmalar beradi.
Shuningdek, qaror bilan Qishloq xoʻjaligi vazirligida Yerlar degradatsiyasi jarayonlari bilan kurashish masalalari boʻyicha departament va hududlarda Yerlar degradatsiyasiga qarshi kurashish boʻlimlari tashkil etildi.
Yangiliklar lentasi
0