Sport

U-23 Osiyo kubogi: kutilmagan holatlar va hayajonli gʻalaba

© Assotsiatsiya Futbola UzbekistanaU23 Kubok Azii-2022: Uzbekistan - Irak
U23 Kubok Azii-2022: Uzbekistan - Irak - Sputnik Oʻzbekiston, 1920, 12.06.2022
Obuna boʻlish
Yandex newsTelegram
Oʻyin boshidanoq darvozabon chetlatilgan, bir kishiga kam jamoa, qoʻshimcha daqiqalarda ham gʻolib aniqlanmagan ushbu oʻyin uzoq vaqt muxlislar xotirasida qoladigan boʻldi.
TOSHKENT, 11 iyun - Sputnik. U-23 Osiyo kubogining yarimfinalga chiqish uchun Oʻzbekiston va Iroq terma jamoalari orasida boʻlib oʻtgan oʻyin soʻnggi kunlarda futbolga boy Oʻzbekiston muxlislari uchun eng qiziqarli oʻyinlardan biri boʻldi.
Ushbu matchda Oʻzbekiston ham Iroqning ham deyarli bir xil mahorat va oʻjarlik namoyish qilishdi. Undan tashqari oʻyin turli nostandart vaziyatlarga ham boy boʻldi.
Dastlab, 12 - daqiqada darvozabon Abduvohid Neʼmatov iroqlik futbolchini tirsagi bilan urib yiqitdi va oʻyindan chetlatish hamda penaltiga sababchi boʻldi. Shu tariqa Iroq hisobni ochdi – 0:1.
Undan soʻng, birinchi taym oxirida Iroqliklar "qasd" olishdi. Jarima maydonchasida Hojimat Erkinovga nisbatan qoʻpollik ishlatildi va 11 metrlikdan gol urish navbati Oʻzbekistonga keldi. Zarba Jasur Jaloliddinov berdi. U ajoyib tarzda darvozabonni bir tomonga toʻpni boshqa tomonga joʻnati hisobni tenglashtirdi 1:1.
Ikkinchi gol, aniqrogʻi avtogol ushbu oʻyinning yana bir nostandart vaziyati boʻldi. Norchayev va Erkinovlarning shiddatli hujumi raqib darvozasi oldida xavfli vaziyat yaratdi. Toʻpni uzatish vaqtida u raqib ooʻyinchisining oyogʻiga tegib ketdi va toʻgʻri darvozaga ravona boʻldi - 2:1.
Lekin 68 daqiqada Iroq jamoasi chap qanotdan kutilmagan hujum uyushtirib hisobni tenglashtirishdi – 2:2.
Oʻyin oxiriga qadar hisob oʻzgarmadi va hakamlar ikkita 15 daqiqalik qoʻshimcha taym oʻtkazishni belgilashdi. Bu ham ish bermaganidan soʻng jamoalar penaltilar seriyasiga oʻtishdi.
© Assotsiatsiya Futbola UzbekistanaU23 Kubok Azii-2022: Uzbekistan - Irak
U23 Kubok Azii-2022: Uzbekistan - Irak - Sputnik Oʻzbekiston, 1920, 12.06.2022
U23 Kubok Azii-2022: Uzbekistan - Irak
Hayajonli oʻtgan penaltilar seriyasida Oʻzbekistonning omadi kulib boqdi. Darvozaboni Vladimir Nazarov bitta toʻpni seyv qilgan boʻlsa, yana bir toʻp shtangaga tegdi va uchinchisi umumman tomoshabinlar tomon uchib ketdi.

Penaltlar boʻyicha Oʻzbekiston 3:2 hisobida gʻalaba qozondi. Shu tariqa, Oʻzbekiston U-23 jamoasi yarim finalga chiqdi.
© Assotsiatsiya Futbola UzbekistanaU23 Kubok Azii-2022: Uzbekistan - Irak
U23 Kubok Azii-2022: Uzbekistan - Irak - Sputnik Oʻzbekiston, 1920, 12.06.2022
U23 Kubok Azii-2022: Uzbekistan - Irak
Ushbu oʻyin "Paxtakor" stadionida toʻplangan 32 ming muxlislar uchun haqiqiy sovgʻa boʻldi desak xato boʻlmaydi. Kutilmagan vaziyatlar, jarima toʻplari va kamida ikkita ajoyib gol. Undan tashqari 2 soatdan ortiq davom etgan hayajonli kutish, oʻzbekistonlik muxlislar uchun ijobiy yakunlandi.
Ehtimol shu sabab oʻyindan keyin muxlislar ham jamoa ham oʻz quvonchlarini uzoq vaqt namoyish qilshdi.
Navbatdagi oʻyin 15 iyun kuni "Bunyodkor" stadionida Janubiy Koreya yoki Yaponiyaga qarshi boʻlib oʻtadi. Ularning ikkalasi ham oʻta kuchli jamoalar ekanini hisobga olganda oʻyin yanada qizgʻin boʻlishi kutilmoqda.
Yangiliklar lentasi
0