Jamiyat

Yangi tahrirdagi “Pochta aloqasi toʻgʻrisida”gi qonun kuchga kirdi. Nimalar oʻzgardi

© Depositphotos / PuhhhaDevushka poluchayet posыlku
Devushka poluchayet posыlku - Sputnik Oʻzbekiston, 1920, 12.06.2022
Obuna boʻlish
Yandex newsTelegram
Hujjat bilan pochta aloqasi operatorlari, provayderlari va foydalanuvchilarning huquq va majburiyatlari, foydalanuvchilarga yetkazilgan zarar oʻrnini qoplash tartibi belgilangan.
TOSHKENT, 12 iyun — Sputnik. Prezident Shavkat Mirziyoyev 9 iyun kuni yangi tahrirdagi “Pochta aloqasi toʻgʻrisida”gi qonunni imzoladi. Bu haqda Adliya vazirligi xabar qildi.
Qonunga muvofiq pochta aloqasi sohasida qonunchilikka rioya etilishi ustidan davlat nazoratini Oʻzkomnazorat (ilgari Vazirlar Mahkamasi) amalga oshiradi.

Qonun bilan qonunchilikka posilka, pochta kuryeri kabi tushunchalar kiritildi. Pochta xizmatlari pochta aloqasi operatorlari va provayderlari tomonidan pochta, kuryerlik xizmatlari hamda boshqa turdagi pochta xizmatlari tarzida shartnoma asosida koʻrsatiladi.
Foydalanuvchilarning manziliga oid maʼlumotlar, pochta va kuryerlik joʻnatmalari hamda ularning tarkibi toʻgʻrisidagi axborot, pochta aloqasi operatorlari hamda provayderlarining faoliyati sohasiga kiradigan boshqa xabarlar, shuningdek ushbu pochta va kuryerlik joʻnatmalarining oʻzi pochta aloqasining sirini tashkil etadi.
Pochta aloqasi operatorlari va provayderlari pochta xizmatlarini koʻrsatish boʻyicha majburiyatlarni bajarmaganlik uchun foydalanuvchilarga yetkazilgan zararlarning oʻrnini qoplaydi.
Pochta va kuryerlik joʻnatmasi topshirilmaganligi, oʻz vaqtida yetkazib berilmaganligi yoki yoʻqotilganligi, buzilganligi (shikastlanganligi) yoxud oʻtkazilgan pul mablagʻlari toʻlanmaganligi bilan bogʻliq eʼtirozlar pochta va kuryerlik joʻnatmasi topshirilgan kundan eʼtiboran 6 oy ichida taqdim etiladi.
Pochta xizmatlaridan foydalanuvchilar pochta aloqasi xizmatlarining boshqa foydalanuvchilariga, pochta aloqasi operatorlari yoki provayderlariga yetkazilgan, joʻnatilishi taqiqlangan predmetlar va moddalarni pochta va kuryerlik joʻnatmalariga joylash natijasida yoki ular lozim darajada oʻralmaganligi natijasida yuzaga kelgan zarar uchun belgilangan tartibda javobgar boʻladi.
Qonun imzolangan kundan boshlab kuchga kirdi
Yangiliklar lentasi
0