Jamiyat

Olti yoshli bolakayni qutqarishda 8-sinf oʻquvchisi ham ishtirok etdi - FVV

© MCHS UzbekistanaMalchik kotorыy uchastvoval v spasenii 6-letnego rebenka
Malchik kotorыy uchastvoval v spasenii 6-letnego rebenka - Sputnik Oʻzbekiston, 1920, 13.06.2022
Obuna boʻlish
Yandex newsTelegram
8-sinf oʻquvchisi Ozodbek Yoʻldoshev quduqning tor tuynugidan oʻtib, bolakayni olib chiqqan.
TOSHKENT, 13 iyun - Sputnik. Qashqadaryoning Chiroqchi tumanida 25 metrli quduqqa tushib ketgan 6 yoshli bolakay qutqarib qolingani haqida xabar bergan edik. Favqulodda vaziyatlar vazirligiga koʻra, maxsus qutqaruv operatsiyasida 8-sinf oʻquvchisi ham qatnashgan.
“Qalqama” mahallasida yashovchi 109-sonli maktab oʻquvchisi Ozodbek Yoʻldoshev quduqning tor tuynugidan oʻtib, bolakayni olib chiqqan. Unga velosiped sovgʻa qilindi.
“Kichik qahramon qutqaruvchi akalari va maxsus asbob-anjomlar yordamida quduqning tor tuynugidan mardonavor oʻtib, bolakayni olib chiqdi. Oʻz navbatida, yosh xaloskor qahramon — Ozodbekka barcha yurtdoshlarimiz qatori Favqulodda vaziyatlar vazirligi ulkan minnatdorlik bildiradi”, deyiladi xabarda.
Eslatib oʻtamiz, kecha Chiroqchi tumanida olti yoshli bola 25 metrli artezian quduqqa tushib ketgan edi. Voqea joyiga zudlik bilan viloyat FVB qutqaruvchilari va tegishli xizmatlar kuch-vositalari yetib borgan. Qutqarish ishlariga FVBning maxsus texnikalari, ekskavator, greyder va boshqa texnikalar jalb etilgan.
Olib borilgan maxsus qutqarish operatsiyasi natijasida bola bugun qutqarib olingan.
Ayni vaqtda bolaning ahvoli yaxshi. Malakali tibbiy xizmat koʻrsatish uchun tez tibbiy yordan xodimlariga topshirilgan.
Yangiliklar lentasi
0