Dunyoda

Turkmaniston tashqi transport qatnovlarini tiklamoqda

© Sputnik / Sergey SubbotinFlag Turkmenii v Ashxabade
Flag Turkmenii v Ashxabade - Sputnik Oʻzbekiston, 1920, 13.06.2022
Obuna boʻlish
Yandex newsTelegram
Turkmaniston prezidenti tashqi transport aloqalarini toʻliq tiklash boʻyicha topshiriq berdi.
TOSHKENT, 13 iyun — Sputnik. Turkmaniston prezidenti Serdar Berdimuhamedov tez orada tashqi transport qatnovlarini qayta tiklashga koʻrsatma berdi. Bu haqda “Turkmanportal” yangiliklar sayti xabar berdi.
Aytilishicha, prezident ishtirokida boʻlib oʻtgan hukumat yigʻilishida dunyoda epidemiologik vaziyat normallashgani, koʻplab mamlakatlar oʻz makonini ochgani qayd etilgan. Hozirda Turkmanistondan havo qatnovlari ikki yoʻnalishda – Qozon va Dubayga amalga oshirilmoqda.
Turkmaniston va boshqa mamlakatlar oʻrtasida muntazam havo qatnovlari 2020 yilda COVID-19 pandemiyasi sababli toʻxtatilgan edi. Respublika 2022 yilning 6 may kuni havo qatnovlarini qisman qayta tiklashini eʼlon qildi.
Eslatib oʻtamiz, 1 iyundan xorijiy davlatlar transport vositalariga Turkmaniston hududi orqali tranzit yuk tashuvlariga ruxsat etilgandi. Turkmaniston boʻylab tranzit yuklar tashishda bir qator talab va shartlarga rioya etish belgilangan.
Yangiliklar lentasi
0