Sport

U23 Osiyo kubogi 2022: Oʻzbekistonning navbatdagi raqibi maʼlum boʻldi

© Foto: Oʻzbekiston futbol assotsiatsiyasiU-23 Osiyo kubogi: Oʻzbekiston va Iroq uchrashuvi
U-23 Osiyo kubogi: Oʻzbekiston va Iroq uchrashuvi - Sputnik Oʻzbekiston, 1920, 13.06.2022
Obuna boʻlish
Yandex newsTelegram
Yaponiya jamoasi Koreya ustidan 3:0 hisobida gʻalaba qozonib, yarim final yoʻllanmasiga ega boʻldi.
TOSHKENT, 13 iyun — Sputnik. Mamlakatda oʻtkazilayotgan futbol boʻyicha U23 Osiyo kubogida chorak final doirasidan oʻrin olgan yana bir bahs yakunlandi. Bu haqda Milliy olimpiya qoʻmitasi xabar berdi.
Koreya Respublikasi va Yaponiya jamoalari oʻrtasidagi bellashuvda yaponiyaliklar yirik 3:0 hisobida gʻalaba qozondi. Ular yarim final yoʻllanmasiga ega boʻldi.
Endilikda Oʻzbekiston jamoasi final chiptasi uchun aynan ushbu jamoaga qarshi bahs olib boradi.
Oʻzbekiston va Yaponiya U23 terma jamoalari oʻrtasidagi yarim final bahsi 15 iyun kuni soat 21:00 da “Bunyodkor” stadionida start oladi.
Eslatib oʻtamiz, "Paxtakor" stadionida 11 iyun shanba kuni Oʻzbekiston U23 terma jamoasi Iroqqa qarshi hayajonli bahs olib borgan edi. Darvozabon oʻyidan chetlatilishi oqibatida jamoa butun oʻyin davomida 10 kishilik tarkib bilan oʻynagan va mashaqqatli gʻalabani qoʻlga kiritgan edi.
Yangiliklar lentasi
0