Jamiyat

Ertaga Toshkentda magnit boʻroni kuzatiladi

© Foto : NASA/ESA/Hubble SM4 ERO TeamPlanetarnaya tumannost NGC 6302 Juk
Planetarnaya tumannost NGC 6302 Juk - Sputnik Oʻzbekiston, 1920, 14.06.2022
Obuna boʻlish
Yandex newsTelegram
G3 darajali kuchga ega 4 ballik magnit boʻronlar kuzatilishi prognoz qilinmoqda.
TOSHKENT, 14 iyun — Sputnik. Poytaxtliklar 15-16 iyun kunlari shimoliy yarim shardagi faol magnit boʻronining kuchsizroq taʼsirini oʻzlarida his qilishadi. Bu haqda Oʻzgidromet mutaxassisi Erkin Abdulahatov maʼlum qildi.
Aytilishicha, G3 darajali kuchga ega 4 ballik magnit boʻronlar kuzatilishi prognoz qilinmoqda.
G3 daraja - koʻpchilik uchun xavfli daraja emas.

“Magnit boʻronlarining yuqori xavfli darajasi nafaqat, inson salomatligi, uning kundalik ish faoliyatiga, balki aloqa, energetika tizimlariga ham sezilarli taʼsir koʻrsatadi”, - deydi u

Magnit boʻronlari G3 darajali davrda ayrimlarda bosh qismining orqa tomonida kuchsiz ogʻrish kuzatiladi. Bu paytda shu kabi insonlarga kamroq harakat qilish hamda uyda koʻproq oʻtirish tavsiya etiladi.
Bu vaqt oraligʻida yuqoridagi omilni oʻzida sezayotgan kishilarga chekish, alkogol mahsulotlari va kofe ichish hamda jismoniy zoʻriqish tavsiya etilmaydi. Ovqatlanish ratsioniga baliq va koʻkatlarni kiritish maʼqul.
Mutaxassisning soʻzlariga koʻra, ushbu boʻronlar yerning qutb doiralariga yaqin Yerning magnit maydon hududlarida faol kuzatiladi.
Shuning uchun qutb doirasiga yaqin davlatlarda magnit maydon faolligini oʻrganadigan tuzilmalar mavjud va ular quyosh sirtidagi chaqnashlar, qisqacha aytganda quyosh faolligini sinchkov kuzatgan holda hududlarda magnit boʻroni xavfini prognoz qilishadi.
Yangiliklar lentasi
0