Sport

Oʻzbekiston qilichbozlari Osiyo chempionatida kumush medal sohibi boʻldi

© Natsionalnыy olimpiyskiy komitet UzbekistanaUzbekskiye fextovalщiki – vitse-chempionы CHA
Uzbekskiye fextovalщiki – vitse-chempionы CHA - Sputnik Oʻzbekiston, 1920, 14.06.2022
Obuna boʻlish
Yandex newsTelegram
Jamoa finalda Koreya Respublikasi vakillariga qarshi maydonga tushdi va bellashuv 38:35 hisobida koreyalik qilichbozlarning gʻalabasi bilan yakunlandi.
TOSHKENT, 14 iyun — Sputnik. Oʻzbekistonlik qilichbozlar Seulda davom etayotgan qilichbozlik boʻyicha Osiyo chempionatidagi ishtirokini kumush medal bilan yakunlashdi. Bu haqda Milliy Olimpiya qoʻmitasi xabar berdi.
Koreya Respublikasining Seul shahrida qilichbozlik boʻyicha Osiyo chempionati davom etmoqda. Shpaga dasturida jamoaviy yoʻnalishda bellashayotgan oʻzbekistonlik shpagachilar ilk bor qitʼa birinchiligi finaliga yoʻl olishdi.
Jamoa finalda Koreya Respublikasi vakillariga qarshi maydonga tushdi va bellashuv 38:35 hisobida koreyalik qilichbozlarning gʻalabasi bilan yakunlandi.
“Qilichbozlarimiz ilk bor final bosqichda ishtirok etishdi. Bu esa jamoamiz uchun kelgusida kutib turgan finallar oldidan katta tajriba boʻldi”, - deyilgan xabarda.
Qayd etish joiz, sportchilar musobaqani Quvayt ustidan qozonilgan gʻalaba bilan boshlashdi. Chorak finalda Qozogʻiston, yarim finalda tarkibi Tokio-2020 chempionlaridan iborat Yaponiya terma jamoasini magʻlubiyatga uchratishgandi.
Jamoa tarkibi: Roman Aleksandrov, Fayzulla Alimov, Nodirbek Moʻminov, Javohir Nurmatov.
Yangiliklar lentasi
0