Jamiyat

Toshkent yerusti halqa metrosining ikkinchi bosqichi qachon qurib bitkaziladi

© Press-slujba prezidenta UzbekistanaPrezident Shavkat Mirziyoyev
Prezident Shavkat Mirziyoyev  - Sputnik Oʻzbekiston, 1920, 14.06.2022
Obuna boʻlish
Yandex newsTelegram
Ikkinchi bosqich doirasida 7 ta yangi bekat ochilishi kutilmoqda. Metropoliten uchun 14 ta yangi poyezd olib kelinadi.
TOSHKENT, 14 iyun — Sputnik. Toshkent yerusti metrosining ikkinchi bosqichi doirasida beshta bekatni shu yil yakunida va qolgan ikkitasini kelgusi yil Navroʻzda ishga tushirish moʻljallangan. Bu haqda davlat rahbari matbuot xizmati xabar bermoqda.
Prezident Shavkat Mirziyoyev Toshkent metropoliteni infratuzilmasini rivojlantirishga qaratilgan loyihalar bilan tanishdi. Davlat rahbariga qurilayotgan yerusti halqa metrosining ikkinchi bosqichini davom ettirib, Sergeli yoʻnalishi bilan bogʻlash, zamonaviy qurilish uslublarini tatbiq etish, metro poyezdlarini yangilash, yoʻlovchi oqimini yanada oshirish rejalari haqida axborot berildi.
“Maʼlumki, yerusti metrosining ikkinchi bosqichi doirasida beshta bekatni shu yil yakunida va qolgan ikkitasini kelgusi yil Navroʻzda ishga tushirish moʻljallangan. Bu orqali 62 ta mahalladagi 250 mingga yaqin aholi metropoliten bilan qamrab olinadi”, - deyilgan xabarda.
Mirziyoyev barcha yoʻllarda insonlarga qulaylik va xavfsizlik birinchi oʻrinda boʻlishi lozimligini taʼkidladi. Metropoliten uchun 14 ta yangi poyezd olib kelish, yoʻlovchilar xavfsizligini taʼminlash boʻyicha 2022-2025 yillarga moʻljallangan chora-tadbirlar dasturini ishlab chiqish boʻyicha koʻrsatmalar berildi.
Yangi metropoliten yoʻnalishi boʻyida joylashgan mahallalarni obodonlashtirish muhimligi taʼkidlandi. Loyihalarni takomillashtirib, qaror loyihasi ishlab chiqish vazifasi qoʻyildi.
Yangiliklar lentasi
0