Jamiyat

Toshkent viloyatidan poytaxtga kelayotgan yoʻlovchilar uchun yengillik yaratiladi

© Sputnik / Ramiz BaxtiyarovProvodnik u vagona na jeleznodorojnom vokzale v Tashkente
Provodnik u vagona na jeleznodorojnom vokzale v Tashkente - Sputnik Oʻzbekiston, 1920, 14.06.2022
Obuna boʻlish
Yandex newsTelegram
Hisob-kitoblarga koʻra, Toshkent viloyatidan poytaxtga kuniga 1 milliondan ziyod yoʻlovchi kirib keladi.
TOSHKENT, 14 iyun — Sputnik. “Toshkent - Xoʻjakent”, “Toshkent – Bekobod” va “Toshkent – Angren” yoʻnalishida tezyurar poyezd qatnovi yoʻlga qoʻyiladi. Bu haqda prezident Shavkat Mirziyoyev jamoat transporti tarmogʻini kengaytirishga qaratilgan loyihalar bilan tanishish chogʻida maʼlum qilindi.
Hisob-kitoblarga koʻra, Toshkent viloyatidan poytaxtga kuniga 1 milliondan ziyod yoʻlovchi kirib keladi. Davlat rahbari ularni metro bekatlariga yoʻnaltirib, ham aholiga, ham transportlarga yengillik yaratish zarurligini taʼkidladi.
“Zamonaviy elektropoyezdlar keltirib, “Toshkent – Xoʻjakent”, “Toshkent – Bekobod” va “Toshkent – Angren” yoʻnalishida tezyurar qatnov yoʻlga qoʻyilishi belgilandi”, - deyilgan xabarda.
Bundan tashqari, Toshkentda jamoat transporti yetib bormagan 26 ta mahallaga avtobus yoʻnalishlari ochilib, metro bilan bogʻlanadi. Buning uchun qoʻshimcha elektrobuslar xarid qilinadi.
Yangiliklar lentasi
0