Diniy ta’lim muassasalariga hujjat qabul qilish muddati belgilandi
© Sputnik / Sergey Patakov
/ Obuna bo‘lish
20 iyundan boshlab o‘rta maxsus va oliy diniy ta’lim muassasalari abituriyentlardan hujjatlarni qabul qiladi.
TOShKENT, 15-iyun — Sputnik. O‘zbekiston musulmonlari idorasi diniy ta’lim muassasalariga qabul vaqti va hujjatlar ro‘yxati ma’lum qildi.
Unga ko‘ra, idora tasarrufidagi oliy va o‘rta maxsus diniy ta’lim muassasalariga 2022-2023 o‘quv yili uchun abituriyentlarning hujjatlar offlayn shaklda ta’lim muassasasi qabul hay’ati tomonidan qabul qilinadi.
O‘rta maxsus islom ta’lim muassasalari:
20 iyundan 10-iyulgacha
Talab qilinadigan hujjatlar:
– ta’lim muassasasi rahbari nomiga ariza;
– pasport yoki ID karta nusxasi (asli ko‘rsatiladi);
– ma’lumoti to‘g‘risida attestat yoki diplom (asl nusxasi);
– 3,5 x 4,5 hajmdagi 6 dona rangli fotosurat (oxirgi uch oyda olingan va orqa foni oq rangda bo‘lishi kerak);
– chet tili bilishi to‘g‘risidagi sertifikat (ma’lumoti to‘g‘risidagi hujjatda ko‘rsatilgan chet tilidan boshqa xorijiy til bo‘yicha test topshiruvchilar uchun) asl nusxasi.
Oliy diniy ta’lim muassasalari:
Toshkent islom instituti va Mir Arab oliy madrasasi 20-iyundan 20-iyulgacha shuningdek, Hadis ilmi maktabi 20-iyundan 10-iyulgacha hujjatlarni qabul qiladi.
Talab qilinadigan hujjatlar:
– ta’lim muassasasi rektori nomiga ariza;
– pasport yoki ID karta nusxasi (asli ko‘rsatiladi);
– o‘rta maxsus islom ta’lim muassasasini tamomlagani to‘g‘risidagi hujjat (diplom) asl nusxasi;
– 3,5 x 4,5 hajmdagi 6 dona rangli fotosurat (so‘nggi uch oyda olingan hamda orqa foni oq rangda bo‘lishi talab etiladi);
– “Yagona olimpiada” tanlovi diplomi (tanlovda 1-, 2- va 3-o‘rinni egallagan ishtirokchilar uchun).
