Iqtisod

Fargʻonada Rossiya bilan qoʻshma korxonalar tashkil etiladi

© Fargʻona viloyati hokimligi Fargʻona
Fargʻona - Sputnik Oʻzbekiston, 1920, 15.06.2022
Obuna boʻlish
Yandex newsTelegram
Rossiyadan Oʻzbekistonga import qilib kelinayotgan xomashyo hamda ulardan tayyorlanadigan mahsulotlarni Fargʻona viloyatida ishlab chiqarish yoʻlga qoʻyiladi
TOSHKENT, 15 iyun — Sputnik. Fargʻonada Rossiyaning Sverdlovsk viloyati kompaniyalari bilan hamkorlikda qoʻshma ishlab chiqarish korxonalari tashkil etiladi. Bu haqda Qashqadaryo viloyati hokimligi matbuot xizmati xabar berdi.
Qayd etilishicha, ayni vaqtda viloyat hokimining mahalliy sanoatni rivojlantirish masalalari boʻyicha yordamchisi Akmal Poʻlatov boshchiligidagi delegatsiya ishchi tashrif bilan Sverdlovsk viloyatida boʻlib turibdi.
© Fargʻona viloyati hokimligiFargʻona
Fargʻona - Sputnik Oʻzbekiston, 1920, 15.06.2022
Fargʻona
Tashrif davomida delegatsiya aʼzolari Nijniy Tagil shahrida joylashgan “Uralximplast” korxonasini borib koʻrdi. 1938 yilda asos solingan turli sanoat tarmoqlari uchun sintetik qatron (smola) yetkazib beruvchi Rossiyadagi yetakchi korxonalardan biri “Uralximplast” rahbariyati bilan oʻzaro hamkorliik aloqalarini oʻrnatish bilan bogʻliq masalalari yuzasidan uchrashuv tashkil etildi.
Uchrashuv yakunida korxonada ishlab chiqarilayotgan va hozirgi kunda Oʻzbekistonga import qilib kelinayotgan xomashyo hamda ulardan tayyorlanadigan mahsulotlarni Fargʻona viloyatida ishlab chiqarishni yoʻlga qoʻyish boʻyicha hamkorlik qilishga kelishib olindi.
Tashrifdan koʻzlangan asosiy maqsad Fargʻona va Sverdlovsk viloyatlari oʻrtasidagi savdo-iqtisodiy aloqalarni yanada rivojlantirish, qishloq xoʻjaligi mahsulotlari, toʻqimachilik, charm-poyabzal sanoati mahsulotlarini eksporti hajmini oshirish, mashinasozlik, qurilish mahsulotlari, qogʻoz ishlab chiqarish va yogʻochni qayta ishlash sohasida oʻzaro hamkorlik aloqalarini kengaytirish, tadbirkorlar takliflari asosida talab yuqori boʻlgan mahsulotlarni ishlab chiqarish va mahalliylashtirish boʻyicha hamkorlikdagi loyihalarini amalga oshirish istiqbollarini oʻrganishdan iborat.
© Fargʻona viloyati hokimligiFargʻona
Fargʻona - Sputnik Oʻzbekiston, 1920, 15.06.2022
Fargʻona
“Viloyatimiz vakillari Yekaterinburg shahrida joylashgan “Reduktor” OAJ reduktorlar ishlab chiqarish korxonasiga tashrif buyurishdi va ishlab chiqarish jarayonlari bilan yaqindan tanishdi. Uchrashuv davomida “Reduktor” kompaniyasi rahbari Ivan Gryaznov hamda viloyatimizda faoliyat koʻrsatuvchi “Oil Filter technologies” MCHJ QK taʼsischisi Mashhur Xusainovlar oʻrtasida Fargʻona viloyatida reduktorlar ishlab chiqarish boʻyicha qoʻshma korxona tashkil qilish masalalari muhokama qilindi. Dastlabki bosqichda, texnik hamkorlikni yoʻlga qoʻyish boʻyicha ishlarni davom ettirishga kelishib olindi”, - deyiladi xabarda.
Yangiliklar lentasi
0