Jamiyat

Madaniyat va istirohat bogʻlaridagi nosoz attraktsionlarning faoliyati toʻxtatildi

© CC0 / Unsplash / Olia NaydaAmerikanskiye gorki. Illyustrativnoye foto
Amerikanskiye gorki. Illyustrativnoye foto - Sputnik Oʻzbekiston, 1920, 15.06.2022
Obuna boʻlish
Yandex newsTelegram
Respublikada mavjud 1800 dan ziyod har xil turdagi attraktsionlar oʻrganildi.
TOSHKENT, 15 iyun — Sputnik. Respublikadagi 574 ta texnik nosoz deb topilgan attraktsionning faoliyati cheklandi. Bu haqda AOKAda oʻtkazilgan brifingda Sanoat xavfsizligi davlat qoʻmitasi axborot xizmati rahbari Malika Mirjamolova maʼlum qildi.
Aytilishicha, Qoraqalpogʻiston Respublikasi, Toshkent shahri va viloyatlardagi mavjud attraktsionlarni davlat nazoratidan oʻtkazish maqsadida hududlar kesimida 16 ta ishchi guruh tuzildi.
Ishchi guruhlar tomonidan respublikada joylashgan 143 ta madaniyat va istirohat bogʻidagi 1800 dan ziyod har xil turdagi attraktsionlar oʻrganildi.

“Kamchiligi bor attraktsionlardan foydalanmaslik sharti bilan va kamchiliklarni bartaraf qilungunga qadar toʻxtatib qoʻyish boʻyicha mahalliy davlat organlariga axborotnomalar va madaniyat va istirohat bogʻlari rahbarlariga 116 ta taqdimnoma berildi”, deydi Malika Mirjamolova.

Har bir madaniyat va istirohat bogʻida yongʻin qutqaruv, tez tibbiy yordam va boshqa texnikaning moneyliksiz xarakatlanishi uchun shart-sharoit yaratish, favqulotda vaziyatlarda fuqarolarni evakuatsiya qilish yoʻllarini tashkil etish va ularning doimiy ochiq holatda boʻlishini taʼminlash choralari koʻrildi.
Attraktsion operatorlari va mexaniklari oʻz vazifalarini yoʻriqnomalarda belgilangan tartibda amalga oshirishlari, fuqarolar tomonidan texnika xavfsizligi qoidalariga rioya etilishi qatʼiy nazoratga olindi.
Hozirgi vaqtda aholi yashash joylaridagi ochiq maydonlarga oʻrnatilgan batut va attraktsionlardan foydalanish keskin ortganligini inobatga olib, ulardan foydalanish xavsizligini taʼminlash choralari kuchaytirildi.
Maʼlumot uchun, respublikada mavjud attraktsionlarning 450 ga yaqini istirohat bogʻlari tasarufida boʻlsa, qolganlari hususiy tadbirkorlarga tegishli.
Yangiliklar lentasi
0