Jamiyat

Oʻzbekiston Rossiya hamkorligida zilzila darakchilarini aniqlash uskunasini ishga tushiradi

© Oʻzbekiston Fanlar akademiyasi Oʻzbekiston Rossiya hamkorligida zilzila darakchilarini aniqlash uskunasini ishga tushuradi
Oʻzbekiston Rossiya hamkorligida zilzila darakchilarini aniqlash uskunasini ishga  tushuradi - Sputnik Oʻzbekiston, 1920, 15.06.2022
Obuna boʻlish
Yandex newsTelegram
SeysmUskuna yordamida yerosti suvlaridagi uglerod, kislorod, vodorod, oltingururt, azot izotoplari nisbatlari oʻlchanadi. Uskuna narxi 450 ming dollar.
TOSHKENT, 15 iyun — Sputnik. Gidrogeoseysmologiya laboratoriyasida rossiyalik mutaxassislar ishtirokida Mass-spektometr uskunasini montaj-sozlash ishlari olib borilmoqda. Bu haqda Fanlar akademiyasi xabar berdi.
Aytilishicha, Rossiyadagi “MIT” MCHJ korxonasining uskuna muhandis sozlovchilari S.V.Ovchinnikov va D.A.Grishin Fanlar akademiyasi Seysmologiya institutiga tashrif buyurgan.
“Mazkur uskuna oʻta murakkab qismlardan iborat boʻlib, uni montaj va sozlash ishlari katta mahorat va malaka talab etadi”, - deyiladi xabarda.
Uskuna ishga tushirilganidan soʻng, respublikadagi mavjud quduqlarning yerosti suvlaridan olingan namunalar asosida zilzila darakchilarini izlash imkoni yaratiladi.
Uskuna yordamida yerosti suvlaridagi uglerod, kislorod, vodorod, oltingururt, azot izotoplari nisbatlari oʻlchanadi.
Elementlarning genetik bogʻlanishlari haqida axborot olish hamda izchil tahlillar asosida zilzila sodir boʻlishi anomaliyalarining mexanizmi tadqiq qilinadi.
Maʼlumot uchun, ushbu uskuna 435 ming dollar qiymatiga teng boʻlib, u prezident tomonidan qabul qilingan PQ-3365-sonli qarori asosida xarid qilindi.
Yangiliklar lentasi
0