Rossiya

Peskov Rossiya “Tolibon”ni* yaqin orada tan olishini istisno qildi

© Sputnik / Sergey Guneyev / Fotobankka oʻtishPress-sekretar prezidenta RF Dmitriy Peskov, arxivnoye foto
Press-sekretar prezidenta RF Dmitriy Peskov, arxivnoye foto - Sputnik Oʻzbekiston, 1920, 15.06.2022
Obuna boʻlish
Yandex newsTelegram
Rossiya prezidenti matbuot kotibi hozir Moskva tomonidan “Tolibon”* hukumatini tan olish haqida gap ketmayotganini maʼlum qildi.
TOSHKENT, 15 iyun — Sputnik. Hozirda Rossiyada “Tolibon”ni* tan olish haqida gap ketmayapti. Bu haqda Rossiya prezidenti matbuot kotibi Dmitriy Peskov maʼlum qildi, deb xabar bermoqda RIA Novosti.
“Hozir bu haqda gap ketmayapti, biz buni bir necha marta takrorlaganmiz. Biror bir taxminlarni aytish foydasiz”, - deya javob berdi Kreml vakili yangi Afgʻoniston hukumatini tan olish ehtimoli haqida savolga.
Peskov Afgʻonistondagi vaziyat haqida gapirayotib, u yerda koʻplab mamlakatlarni toliblar vakillari bilan muloqot qilishga undaydigan gumanitar xususiyatga ega koʻplab muammolar borligini taʼkidladi.
Oʻzbekistonning "Tolibon"* hokimiyatini tan olish shartlari maʼlum qilindi

Toliblarning Afgʻoniston hukumatini egallab olishi

Avgust oyi oʻrtalarida "Tolibon"* aʼzolari mamlakat poytaxti Kobulga bostirib kirib, prezident saroyini egallab olishdi.
31 avgustga oʻtar kechasi AQSH harbiylari Kobul aeroportini batamom tark etishdi va bu bilan Afgʻonistondagi qariyb 20 yillik amerika kampaniyasi oʻz yakuniga yetdi.
Toliblar Afgʻonistonning muvaqqat hukumati tarkibini eʼlon qildi.
Muvaqqat hukumatni "Tolibon"* birinchi bor hukumat tepasiga kelganida TIV rahbari kursisini egallagan va hozirga qadar BMT sanktsiyalari ostida qolib kelayotgan Muhammad Hasan Oxund boshqarishi maʼlum boʻldi.
*Tashkilot terrorchilik faoliyati uchun BMT sanktsiyalari ostida.
Yangiliklar lentasi
0