Dunyoda

Rossiya Turkiyani Suriyadagi vaziyatni tinch yoʻl bilan hal qilishga chaqirmoqda

© REUTERS / STRINGERTuretskiy voyennыy konvoyv Kilise, nedaleko ot turetsko-siriyskoy granitsы
Turetskiy voyennыy konvoyv Kilise, nedaleko ot turetsko-siriyskoy granitsы - Sputnik Oʻzbekiston, 1920, 15.06.2022
Obuna boʻlish
Yandex newsTelegram
Shu kunlarda Qozogʻiston poytaxtida Rossiya, Turkiya, Eron, Suriya va BMT vakillari ishtirokida Suriyadagi vaziyatni barqarorlashtirish boʻyicha muzokaralar boʻlib oʻtmoqda.
TOSHKENT, 15 iyun – Sputnik. Moskva Turkiyaning Suriya Arab Respublikasi hududidagi operatsiyasini asossiz deb hisoblaydi va Anqarani muammoni tinch yoʻl bilan hal qilishga chaqiradi. Bu haqda Rossiya prezidentining Suriya boʻyicha maxsus vakili Aleksandr Lavrentyev maʼlum qildi.
Lavrentyev shuningdek, Suriyani barqarorlashtirishga qaratilgan "Ostona muzokaralari" chogʻida ishtirokchilar vaziyatni "joyda" muhokama qilishga kelishib olishganiga alohida urgʻu berib oʻtdi.
"Bu, ayniqsa, Turkiya prezidentining Suriya shimolida kurd tuzilmalariga qarshi harbiy operatsiya oʻtkazish boʻyicha eʼlon qilgan rejalari nuqtai nazaridan juda muhim. Bizning fikrimizcha bu mamlakatda vaziyatni beqarorlashishiga hamda qurolli qarama-qarshilikning yangi bosqichga chiqishiga olib keladigan asossiz qadam boʻladi", - deya Lavrentiyevning soʻzlaridan iqtibos keltiradi RIA Novosti.
Maxsus vakilning soʻzlariga koʻra, Rossiya Turkiyani muammoni tinch yoʻl bilan hal qilishga chaqirmoqchi. “Oʻz navbatida, biz bu borada har tomonlama yordam berishga tayyormiz”, — dedi Lavrentiyev.
Shuningdek, u Nur-Sultondagi muzokaralarda qochqinlar masalasini ham muhokama qilish rejalashtirayotganini taʼkidladi.
Eslatib oʻtamiz, shu kunlarda (15-16 iyun) Qozogʻiston poytaxtida "Ostona muzokaralarining" kafil davlatlari (Rossiya, Turkiya, Eron), Suriya hukumati va muxolifati hamda BMT vakillari ishtirokida Suriyadagi vaziyatni barqarorlashtirish boʻyicha muzokaralar boʻlib oʻtmoqda.
Yangiliklar lentasi
0