Jamiyat

XTV oʻqituvchilarning mehnat taʼtili toʻlovi kechikishiga nima sabab boʻlganini aytdi

© Depositphotos / BlazeofgloryUchitel pishet u doski v shkole
Uchitel pishet u doski v shkole - Sputnik Oʻzbekiston, 1920, 15.06.2022
Obuna boʻlish
Yandex newsTelegram
XTV ayrim hududlarda mehnat taʼtili toʻlovi kechikayotganligi va kamaytirib toʻlash holatlari yuzasidan bayonot berdi.
TOSHKENT, 15 iyun — Sputnik. Bugundan boshlab maktab xodimlariga mehnat taʼtili toʻlovlari toʻlab boriladi. Bu haqda Xalq taʼlimi vazirligi matbuot xizmati maʼlum qildi.
Aytilishicha, vazirlikka ayrim hudud oʻqituvchilaridan mehnat taʼtili toʻlovi kechikayotganligi yuzasidan murojaatlar kelib tushmoqda.
Toʻlovlarning kechikishiga "UzASBO" dasturiy majmuasida yuzaga kelgan texnik nosozliklar sabab boʻlgan.

“Mehnat taʼtili toʻlovlarini amalga oshirishda kuzatilgan texnik nosozliklar tezkor ravishda tegishli vazirliklar bilan hamkorlikda bartaraf etildi. Ushbu toʻlovlarni amalga oshirish imkoniyati qayta tiklandi”, - deyiladi xabarda.

Vazirlik mehnat taʼtili toʻlovlarini amalga oshirishda muammo va tushunmovchiliklar yuzaga kelganda 71 202-09-09 Ishonch telefonlariga murojaat qilishni soʻramoqda.
Maʼlumot uchun, Mehnat kodeksiga muvofiq bir yil davomida toʻliq ishlagan oʻqituvchilarga 48 kun hisobidan toʻliq mehnat taʼtili pullari toʻlab beriladi.
Ishga kirganiga bir yil boʻlmagan oʻqituvchilarga esa mehnat taʼtili puli ularning ishlagan davriga mutanosib ravishda toʻlanadi.
Yangiliklar lentasi
0